八月居 (海港城) (已結業)

對上一次來係一年前，由於習慣改左少左出街飲早茶，更少出尖沙咀飲早茶，今朝早起想到之前來過，服務與點心俱佳，一心想來飲茶，門口登記服務不錯，之後就係惡夢了，接觸的職員有好多位，包括基層收碗及類似部長及經理的，統一黑口黑面，點餐又係，收碗碟完全無出聲就收，放低食品又係粒聲唔出，到收錢都無一聲多謝，中間只有一位女侍應服務不錯，成間酒樓服務搞到咁差令我好失望，因為以往一直覺得美心集團的餐廳training好好，高級到普通餐廳服務水準都能維持中上，今次真係失望了，感覺好似去左街市熟食檔但點心就非常有驚喜，全部都好食，叫左八月花精品三弄，好精緻，酥皮龍蝦湯鮮竹卷，味鮮有創意，酥脆鮮蝦脆卷，有創意似炸兩但味道更鮮而且更香脆，仲有叫左個蛋白岩米桶仔飯及杏仁茶都係好香濃杏仁味點心水平老實講係非常高，但服務真係唔知發生乜事搞成咁服務的員工是否想幫公司趕客？