蝦蝦燒 (已結業)

一班朋友食飯最開心就係食放題，可以唔洗理各人唔同口味，又唔洗就住叫😁朋友提議玩吓流水蝦，雖然感覺有d殘忍😆但又感覺幾新鮮，whatsapp訂左位，一嚟就可以入坐，原來而家訂位仲每人有一串鱔送，呢串鱔係全晚亮點之一，肥美、新鮮，燒完外皮脆卜卜，入口仲有魚油香，勁勁勁好食。😋餐廳唔只可以燒蝦，海鮮、肉類串燒、飲品、雪糕都有，非常多嘅選擇。🍡🍢🥩🍗🍍串燒類雞翼、羊架、牛仔骨、牛肉粒、金菇肥牛卷、芝士丸、龍蝦丸、雞皮、雞軟骨、豬大腸、多春魚、紅腸、台灣腸、雞肉腸、鴨胸、竹輪卷、咖哩魷魚、墨魚、煨魷魚、日本蕃薯仔、菠蘿.......🦐🦑🦪海鮮類流水大頭蝦、鮑魚、扇貝、元貝、帶子、蠔、螺、蜆仲有蔬菜、熟食、蒜蓉包、椒鹽蝦....雖然任食，但食物質素唔差。牛仔骨、羊架等肥瘦均勻；雞翼大大隻，仲有不同調味；海鮮類亦算新鮮，完全唔腥。環境、設備亦都ok，個爐望落好似好細，但雙層設計，慳位又夠熱，好多食物都好快燒熟；枱面仲有不同調味料，可按自己喜好，自行調味。有要讚店員好勤力幫忙清理枱面垃圾，食得更安心、方便。300幾蚊有咁多嘢食，仲有得玩，值得幫襯。。