影片
更多
2011-11-19
334 瀏覽
冇預謀, 冇鋪排, 純粹係跟住日子黎寫, 寫到第九百篇竟然係寫黑食會, 呢種感覺真係妙不可言! 之前都有提及過肥鄧, 串爆和吹雞都先後揸莊, 就係淨低大聲未出手, 所以是次當然係到大聲嘅表演時間, 而大聲嘅選擇同吹雞一樣, 都係揀喺自己地頭, 正所謂大聲落區, 冇可能衰! 所以大家對當晚嘅黑食會都十分期待!大聲嘅安排係潮州順做主打, 但去搵潮州順之前, 打算先去同印尼英傾句計, 於是就同潮州順留張枱係八點的! 而當日大聲亦真係一早落區, 四圍視察, 殊不知去到印尼英度竟然落閘放狗, 休息兩天, 莫非印尼英知大聲落區, 所以笠水較腳, 當下大聲都相當冇癮, 當四大到齊後, 唯有早少少去搵潮州順啦!入到潮州順度, 竟然唔多人, 如果唔係大聲帶路, 真係唔敢自己貿貿然行入黎, 皆因比人嘅感覺好黑店咁; 不過有地膽帶路始終唔同啲, 一行四人就等伙計帶位, 安排入座! 坐底後就睇下有咩想食啦, 而大聲當然有唔少推介, 最後一口氣柯打左煎蠔餅, 胡椒豬肚湯, 煎蘿蔔烙, 潮式羊腩, 大芥菜同埋辣鴨舌! 野食未黎前, 一如其他潮州食店, 放下酸菜, 花生同功夫茶! 酸菜同花生就冇試到, 但功夫茶就
大聲嘅安排係潮州順做主打, 但去搵潮州順之前, 打算先去同印尼英傾句計, 於是就同潮州順留張枱係八點的! 而當日大聲亦真係一早落區, 四圍視察, 殊不知去到印尼英度竟然落閘放狗, 休息兩天, 莫非印尼英知大聲落區, 所以笠水較腳, 當下大聲都相當冇癮, 當四大到齊後, 唯有早少少去搵潮州順啦!
入到潮州順度, 竟然唔多人, 如果唔係大聲帶路, 真係唔敢自己貿貿然行入黎, 皆因比人嘅感覺好黑店咁; 不過有地膽帶路始終唔同啲, 一行四人就等伙計帶位, 安排入座! 坐底後就睇下有咩想食啦, 而大聲當然有唔少推介, 最後一口氣柯打左煎蠔餅, 胡椒豬肚湯, 煎蘿蔔烙, 潮式羊腩, 大芥菜同埋辣鴨舌!
野食未黎前, 一如其他潮州食店, 放下酸菜, 花生同功夫茶! 酸菜同花生就冇試到, 但功夫茶就點都要試下, 一放入口發覺杯茶好唔得, 點唔得? 係最基本嘅都冇, 一黎係冇茶味, 唔濃唔香唔苦唔澀, 直頭係有顏色的水; 二黎係唔熱, 連熱都唔熱, 呢一下就真係比較差, 當下感覺都扣唔少分架!
等左一陣第一道菜就登場, 但真係估唔到係呢度菜式先, 就係大芥菜, 點都好謝主隆恩後, 即刻開餐, 大芥茶煮得好腍, 真係好腍, 就算冇牙都一定食到, 絕不誇張, 而芥菜裡仲有炆排骨, 排骨一樣炆得好腍, 冇渣, 不過呢個排骨絕對要有牙先食得, 如果唔係一定入廠! 之後再黎就係胡椒豬肚湯, 胡椒豬肚湯都幾大鍋, 料亦好足, 有咸菜, 豬肚和粉腸, 入口發覺湯咸少少, 胡椒味唔濃, 所以唔算香辣, 如果可以多啲胡椒相信會更吸引; 至於豬肚就唔算好腍, 韌少少有咬口, 粉腸反而腍身, 唔知係咪太耐冇食過粉腸, 所以較為喜歡粉腸口嘅感覺, 整體都唔錯!
再講煎蠔餅同煎蘿蔔烙, 兩者煎法係同一個方式, 所以蠔餅同蘿蔔烙係一啲都唔油, 而且亦前得好脆, 呢個位亦係大聲最欣賞的; 不過蠔餅嘅蠔仔似乎少左啲啲, 如果再多少少會更好; 至於蘿蔔烙都係第一次食, 感覺都幾特別, 外脆內爽, 皆因蘿蔔爽口, 而且感覺好清, 雖然係煎但一啲油膩嘅感覺都冇, 如兩者要取捨, 相信蘿蔔烙更值得一試, 掂呀!
最後淨底潮式羊腩同埋辣鴨舌, 潮式羊腩係用芹菜, 馬啼同羊腩燴埋一碟, 羊腩入口勁酥香, 而肉質勁鬆軟, 一啲都唔肥都可以咁酥, 呢隻羊都唔少料喎, 而馬啼就爽口清甜, 菜亦夠腍, 呢份潮式羊腩都算高水準, 絕對係必食推介! 辣鴨舌相對地冇咁特別, 係勁腍勁易拆骨, 不過味道絕不辣, 其實係丁點兒辣味都冇, 同普通嘅椒鹽鴨舌冇咩分別, 可以啦!
總括黎講食物質素都甚佳, 環境清靜, 最啱黑食會聚腳, 服務態度友善殷勤, 價錢相宜, 四個人六道菜, 一枝大啤, 一至兩罐汽水, 埋單都唔使四舊水, 即係每人一舊有找, 絕對抵食! 大聲落區, 果然冇可能衰, 肥鄧, 串爆同吹雞都相當滿意, 食完大家仲坐喺度吹下水, 唔嘈唔逼亦唔趕, 非常好! 見時間尚早, 加上大家都意猶未盡, 於是決定繼續四圍行, 再搵另一個地方食多餐先; 難得可以用黑食會黎做第九百個食評, 真的非常開心; 笑臉值得一比, 有機會都會再黎!張貼
