43
12
3
以上資料只供參考, 請與餐廳確認詳情
招牌菜
食家推介
大隱隱於市, 我敢寫包單你行過順記外面十次廿次都未必會有一次勾起你嘅興趣, 裝修簡單, 略暗燈光, 陳列嘅食品亦唔夠吸晴, 但當你放膽坐低一試, 就會發覺食嘢真係唔係食裝修嘅!幫襯當日剛過中秋, 老闆推介金不換炒薄殼, 有朋友響屋企煮過薄殼就知, 食材唔貴, 但功夫多過乜, 剩係要你洗都足以令你嗌哂救命, 人同此心, 所以想出街食都唔多地方有得賣, 聽到老闆有做呢味, 唔駛諗即嗌, 薄殼本身肉唔係大, 但勝在粒粒夠哂滑, 加埋金不換香味, 我敢講唔差過咩貴價海鮮! 前面一碟脆炸鳳尾魚, 由頭到尾炸到脆咯咯, 送酒一流!老闆見我地食鳳尾魚食得津津有味, 又推薦我地試一碟梅子煮荀仔魚, 嘩, 呢d 平價魚仔唔係俾狗仔食咩, 但同鼓起勇氣行入呢間鋪一樣, 你放膽嗌一碟試試, 梅子嘅香味同荀仔魚嘅質感夾得恰到好處, 我相信呢味嘢響我阿爺年代應該係家常便飯, 又平又有營養! 秋天芋頭當造, 一於試下炸芋棗, 芋頭夠香無渣, 入口即溶, 又係佳品!值得一讚係疫情期間, 枱與枱跟足間距, 無好似好多鋪頭咁搏大霧是晚仲叫左個十月芥菜煲同埋生炒糯米飯, 埋單六個餸加四支大啤, 盛惠七百, 平民食材但配上師父功夫同心機, 絕對值得支持!
繼續閱讀
薄殼的季節又到了，是時候去九龍城一轉，品嚐今個夏天的第一碟九層塔薄殼，而且今次更試了一家舊式打冷店，整體味道不錯。雖然兩個人，卻點了超級無敵多餸。除了九層塔薄殼外，還有春菜腩肉煲、菱角排骨煲、鳳尾魚、蠔仔粥、鹵水鵝腸，還有白果芋泥作飯後甜品，豐富吧！在眾多食品中我覺得菱角排骨煲最出眾，一來外間好像很少見到有菱角的菜餚，二來這店以上湯配以半肥瘦排骨再加上菱角，和味。薄殼鮮甜，不過似乎仍未是最肥美的時候，多等一、兩個星期吧。鳳尾魚就只屬一般，幸好上枱時仍然是脆的。我也很欣賞他的春菜煲，因為他的春菜不會煮得太淋太爛，而且腩肉也不算很肥。蠔仔粥則強差人意，因為蠔仔的數量比較少。最後就是甜品，那碗白果芋泥比想像中細，但是味道又真的很好，唯有死死地氣多叫一碗🤣。
繼續閱讀
星期五跟中學同學「搵食」。當天，我選定了吃「潮菜」後，友人便帶往一家位於九龍城的舊派菜館：「順記」。「順記」裝潢承自八十年代末的特色，枱椅雖歷滄桑，但十分「企理」、整潔。與友人甫坐下，店員(據說是店主女兒)便已奉上四杯「功夫茶」(鐵觀音)(後友人提及，繁忙時只有一人一杯，今天算賺了)及自家製咸酸茶。一口喝下，順喉、回甘，極能清理口腔雜味。加上，爽口咸酸菜，與坊間酸得瞇眼的酸菜不同，調味極淡，微咸不酸，口味獨特，十分可口，吃下便覺胃口大開友人「發板」，先點了「春菜」、「豬腳凍」、「炸鳳仙魚」、「豆腐卷」。「春菜」配以腩肉條煮制，微苦、微咸，味道無甚特色，但配上米香四溢，又米、水分明的潮州粥，甚具家鄉風味，讓人感到店家堅持；「豬腳凍」，能將口感十分煙韌的豬腳，煮得十分腍滑，「啫哩」又帶肉香，足見火喉和心機，再配上經調淡的魚露，豬與魚的味道交融，十分好吃。至於「炸鳳仙魚」，在新鮮魚上加上少許鹽花(真的很少)，後「撲」上薄粉，再以滾油立炸，口感酥脆，味道適中，且全無油「益」味，真算「簡單是美」。「豆腐卷」，先將豆腐與豬肉剁碎、混合，再以腐皮包裹，便下鍋油炸，外脆內軟，但又不會焦糊，功力十足。最後，友人追點了「蠔餅」及「反沙芋」。「蠔餅」雖不像坊間般薄及脆口，但正宗「蠔餅」應厚身及經煎制而成，碟上不留多餘油份。「順記」蠔餅便是如此，而且蠔身飽滿帶香氣，粉槳與蠔比例恰當，絕不會滿口粉味。另外，坊間調味極濃(用意心照吧！)，平常一口，已是足夠，再加上魚露，那根本吃不下，但「順記」調味淡，沾上魚露，便將蠔的香、味昇華至另一層次，一流。「反沙芋」極講火喉和功夫，但「順記」功力到家，既能將糖慢煮至「反沙」，但又不帶焦味，且甜香四溢；「芋頭」經走油後，不會鬆散，十分香酥。與糖拌炒時，加入少許蔥花，別具風味。臨離開時，突然鄰桌散發濃郁香氣，詢問店員，得知是「大芥菜煲」，便與友人決定下次再來。喝下「功夫茶」，清理口腔，便滿足地離開了。「順記」雖非名店，但全是良心、心機製作，食材不合格，便情願不煮，故今次便因疫情，以致無法品嘗「蝦棗」、「蟹棗」及「炸果肉」。其實，在黃藍壁壘分明(此文不談政治，亦無意深究「順記」是藍是黃)的同時，我們亦不應忘記日漸息微的傳統菜館，希望這些良心食店能堅持下去，繼續承傳中國的飲食文化。
繼續閱讀
寫返一篇夏天時份，去九龍城一間打冷老店，叫左幾款傳統潮州美食嘅食後評語🤤.最難忘係香煎水瓜烙 ，老闆話係夏天限定嘅菜式，用上水瓜做成好似煎餅咁，水瓜質感似絲瓜，食落唔油膩幾清新，沾上少少魚露食仲好惹味😋.豬腳凍，墨魚卷，炸魚同潮洲荀都係潮州家鄉菜，豬腳凍入口質感似啫喱，細細粒充滿豬肉香味～墨魚卷同炸魚都炸得好香脆，墨魚卷外脆內軟煙煙靱靱，兩款都好好食😆 唯獨是handsup唔太喜歡食荀，但媽子就幾鐘意食，個味道聞落幾似婆婆以前醃菜嘅味，好傳統嘅味道😂.經過門口嘅細廚房，見到大部份用具都有歳月痕跡，老飯店就係有一種令人溫暖溫飽嘅感覺吧😌
繼續閱讀
第一次嚟，晚上七點幾食閉門羹，滿座。咁巴閉。第二次再去，晚上六點，好彩有位，二話不說梗係要試下個蠔餅先。喜岀望外，蠔仔大大粒，夠新鮮，炸漿做得好，鬆脆利落，係煎起，不油不膩。春菜腩肉夠入味，有家鄉感覺。鵝片夠味，一般水準。功夫茶奉上，傳統經營。值得一試。
繼續閱讀