CHEF STAGE de Eddy Chu (已結業)

今次去呢間餐廳食lunch真係好難忘!其實百幾蚊一個餐真係好抵，因為所有野都好高質!首先我地加咗個海鮮拼盤，有飽魚，帶子，生蠔，鮮蝦同聖子刺身，再加埋個醬汁真係一流，一d都唔腥之餘仲食到佢地嘅鮮味。之後有沙律食，令我驚喜嘅係上面有饅魚!個湯飲落去好舒服，裏面嘅雞肉都好嫩好滑。Main course方面，我地叫咗個黑毛豬同肉眼扒，我最欣賞嘅就係黑毛豬，佢雖然好大塊，但係每一 個部份都煮得啱啱好，好有咬口，係我食過最好食嘅黑毛豬!最後，個甜品令個午餐劃上咗完美嘅句號，好滿足呀~~嗰度嘅環境相當優雅，如果可以坐窗口位就更加開心!總括黎講，服務質素都唔錯，五道菜更加令我回味無窮，如果可以嘅話我更加想試埋嗰度嘅晚餐!