Burgeroom (Fashion Walk)

營業中

休息中

食過呢一間嘅漢堡之後，我覺得食左會返唔到轉頭，因為暫時呢間比我嘅感覺係最好嘅。呢一間係銅鑼灣呢邊嘅，附近都係餐廳林立，係得呢個地段開嘅都有料到嘅。雙鵝肝牛肉漢堡真心推薦，特別係鵝肝同漢堡都鍾意嘅人，佢個鵝肝整得岩岩好，入口即溶嘅感覺真係不得了，牛肉漢堡個肉汁豐富，上面塊包都有特登烘過，食落好好食，老實講我就咁食個塊包唔配野都得。下個包就係牛油果醬芝士雞柳漢堡，仲加埋大啡菇添呀，估唔到咁夾，個牛油果醬令到成件事提升左，咁樣食法唔錯。黑松露芝士薯條係必食嘅，因為黑松露嘅濃郁香味配溶左嘅芝士，雙重提升，豐富味蕾，好食到不得了。單骨雞翼好juicy，單骨易食，外面勁酥脆。飲品就有菠蘿冰茶同荔枝冰茶，兩杯都係好自然，好平衡，有茶味唔會有極甜嘅感覺。