喜記避風塘炒辣蟹 (謝斐道)

營業中

休息中

個日我地四個人去食飯，諗住海鮮野都會係貴架喇，但估唔到不單只係貴仲係食到一肚火。話說我地叫左一隻兩斤重的蟹，一上只係見到蒜蓉，蟹就見唔到，心知不妙，點知望下隔離碟螴，只見蟹不見蒜蓉，就問個伙記我地碟係幾多斤，佢二話不說話係兩斤，咁我地又問隔離張個碟又係幾多，佢立時話都係兩斤，當時明眼人一睇就一定知兩碟差別很大，咁我地追問點解兩碟分別咁大，個位仁兄就大大聲咁話，我地所有蟹都係分成十件，所以你地兩碟都係一樣。各位你地諗下，一樣都係十件唔表示係一樣咁大碟。仲有，一隻蟹點樣分十件呢，一隻蓋之外，一個蟹身通常係先分一半然後再分(雙數)，咁點分九件(單數)呢。咁輪到碟炒麵，三都叫，人地個兩碟就好似一個山咁，我地個碟就係一個平原，四個人分剛剛好每人一小碗。你地話係唔係分明笨。埋單個時一睇，嘩﹗隻蟹要490蚊，490蚊夠係同一條街第二間舖食一個海鮮拼盤架，仲係會飽個隻添。除左隻蟹、炒麵，我地只係食左雞腳、白灼螺、沙津骨、兩碟少得可憐的油菜，終於埋單係要成1100四個人。總之，以後都唔會再去。