囍源古早蛋糕 (已結業)

好多地方都開左古早蛋糕，而今日咁岩行開深水埗，見到呢間古早蛋糕有成５０款口味揀，決定要試一試～呢間古早蛋糕店出名少油少糖，可以無負擔地食蛋糕！另外，佢用低溫烘焙，黃金邊黃金底，即係唔燶邊又唔燶底，成個原身出，烘焙已經花盡心思～因為太多口味既關係，選擇困難既我最後揀左兩隻味道～一個係流心香芋，另外我仲揀左朱古力！蛋糕十分鬆軟，唔太甜亦唔膩～流心香芋係古早蛋糕入面夾住一層紫色芋頭蓉，同蛋糕十分ｍａｔｃｈ！朱古力蛋糕表層鋪左朱古力粉同彩虹朱古力，大人細路見到都開心：Ｄ　十分賞心悅目～朱古力蛋糕內夾朱古力漿，食個蛋糕口感豐富，朱古力味濃！店員好細心教我點樣翻熱，而盒邊亦都有寫低，食唔晒都可以存放～最正既翻熱方法係用電飯煲保溫功能，將蛋糕切片放在飯煲內再焗3、4分鐘～放兩日後食都一樣咁濕潤鬆軟～店員仲有講，想食咩味可先用電話預訂，好方便，仲可自行配搭喜歡嘅古早蛋糕元素，所有都由你揀！太貼心啦！