橋底辣蟹

營業中

休息中

前兩日去咁銅鑼灣，行過駱克道一個位，見到橋底辣蟹，以前同friend食過，以記得之前唔係呢個位，原來而家搬咗嚟呢度。食過好食，決定又食下。佢裝修一d都唔「橋底」，似d靚靚中餐廳，位比較寬，又唔使同隔離枱坐得埋。不過我哋得兩個人，佢本身好多嘢選，個餐牌好多頁，全部都好吸引，我叫咗一向鍾意食嘅椒鹽九肚魚同黃金蝦，仲有粟米羹同鮑參翅肚羹。隔離枱叫咗辣蟹，個樣好正，不過我哋唔係好食得辣就唔敢叫喇~佢個黃金蝦好大隻，同埋好夠咸蛋味，應該落足咸蛋黃嚟整，見到個碟都有大量咸蛋黃碎。下次嚟幾個人會正d, 會選到多幾款一齊食。