影片
更多
2021-03-27
1550 瀏覽
💛💛💛我愛慢煮💛💛💛男朋友話帶我去個神秘地方喎😂，跟住喺半山區行完一輪，最終帶我去到呢間餐廳😚。餐廳遠離旺區，好適合靜靜地坐低傾吓計😍。芝士溫泉蛋大啡菇 $38必嗌！平時買一粒大啡菇都已經要成$10咁濟，依家又有芝士又有溫泉蛋先至係$38 ，唔嗌都唔得啦下話😂。好好食！焗到個表面芝士溶溶地💗。三樣野加埋唔會好漏，就算一人一粒都可以🥰！微辣咸蛋黄單骨雞翼 $68炸得超好，感覺上似係新鮮炸。因為睇到個炸醬係得一層😆。本身以為個鹹蛋黃係撈左係啲雞翼外面，原來係用隻雞翼點啲醬黎食，食落冇乜辣味，可更辣😽！海鮮濃汁藍青口（1 lbs）$128男朋友知道我鍾意食青口，所以就嗌咗呢個。佢都話出奇地好食，因為正常出面嘅煮法只係烚熟咗啲青口就咁上碟，呢度嘅煮法係加咗啲海鮮汁，感覺上似係忌廉汁，食落去唔會咁單調😍。秘製保濕豬鞍架 8oz $138 另加左塊鵝肝 $38見到個名覺得搞笑就嗌左😂。切落去無筋位，肉質都好淋，並唔係用鬆肉粉嗰隻淋，似係真係慢慢煮😆。$38就可以加到一片鵝肝就梗係要加埋啦，食落去個鵝肝煎得好香。仲嗌左支比利時白啤 $52埋單$462（無加一）
男朋友話帶我去個神秘地方喎😂，跟住喺半山區行完一輪，最終帶我去到呢間餐廳😚。餐廳遠離旺區，好適合靜靜地坐低傾吓計😍。
芝士溫泉蛋大啡菇 $38
必嗌！平時買一粒大啡菇都已經要成$10咁濟，依家又有芝士又有溫泉蛋先至係$38 ，唔嗌都唔得啦下話😂。好好食！焗到個表面芝士溶溶地💗。三樣野加埋唔會好漏，就算一人一粒都可以🥰！
微辣咸蛋黄單骨雞翼 $68
炸得超好，感覺上似係新鮮炸。因為睇到個炸醬係得一層😆。本身以為個鹹蛋黃係撈左係啲雞翼外面，原來係用隻雞翼點啲醬黎食，食落冇乜辣味，可更辣😽！
海鮮濃汁藍青口（1 lbs）$128
男朋友知道我鍾意食青口，所以就嗌咗呢個。佢都話出奇地好食，因為正常出面嘅煮法只係烚熟咗啲青口就咁上碟，呢度嘅煮法係加咗啲海鮮汁，感覺上似係忌廉汁，食落去唔會咁單調😍。
秘製保濕豬鞍架 8oz $138 另加左塊鵝肝 $38
見到個名覺得搞笑就嗌左😂。切落去無筋位，肉質都好淋，並唔係用鬆肉粉嗰隻淋，似係真係慢慢煮😆。$38就可以加到一片鵝肝就梗係要加埋啦，食落去個鵝肝煎得好香。
仲嗌左支比利時白啤 $52
埋單$462（無加一）
張貼
