麻辣香鍋

營業中

休息中

出旺角睇裝修材料，朗豪坊附近，位於砵蘭街嘅《麻辣香鍋》食過一定返尋味。傍晚時份，店內八九成都是年青人，大家都好食得辣，枱枱一大盤紅辣椒，望見已經胃口大開。招牌麻辣香鍋~辣味及辣度都可以因應個人口味選擇，朋友選了麻辣(微辣)，香鍋最少要配五款食材，選擇豐富，有多款肉類，也有多種蔬菜選擇，牛肉、牛舌、田雞、五花肉片及豆皮，上菜時聞到香噴噴即叫即泡，配合大量辣椒，辣嘅程度對於我嚟講啱啱好，十分惹味，各肉類都醃得好入味，越食越滋味。川香鮑魚雞煲(半隻)~同樣都可以揀唔同嘅辣味及辣度，香辣(微辣)，份量都唔細，四大隻鮑魚，雞件數量都好多，材料有燈籠椒、洋蔥等各款香料，味道香濃，最啱我呢啲重口味嘅。黃金白玉菇~呢個邪惡中帶少少健康，即叫即炸非常香口，每條白玉菇輕輕掛滿鹹蛋黃醬，唔會太鹹，味道啱啱好，一口接著一口。