更多
2013-12-13
4624 瀏覽
老豆生日想打邊爐,阿媽話之前食過哩間ok就再黎食下,我地一行六人,可以叫兩個鍋,媽媽推介佢個重慶麻辣雞鍋,老公唔食辣,本來想叫松葉蟹鍋,可惜無……咁我地就叫左雙冬羊腩鍋,黎到確實個麻辣雞鍋好味好多,首先係雞足料,惹味,我地個羊腩鍋遜色好多到最後大家都投向雞鍋處,哈哈哈~~不過我見佢加價都加得幾快,但都算抵食既個雞鍋同蟹鍋~~其餘配料都係好一般,手切肥牛唔乾不過實在有d薄~~個墨汁墨魚丸都幾特別,重好食過本身既墨魚丸,佢所有關於雞既部份都好滑溜,所以無論雞件、雞塊我地都有叫,豬潤有少少唔新鮮,值得一提既係佢地既小食好多都好味喎
題外話/補充資料:
啤酒+$10可以任飲,不過最好成枱都飲先抵,如果唔限時(2小時)會更加好,因為個道可以睇埋波~~ 哈哈哈
(以上食評乃用戶個人意見 , 並不代表OpenRice之觀點。)
張貼