阿木台灣麵 (豉油街) (已搬遷) 新店位置

🌶麻辣下午茶🌶推介指數 ❤️❤️❤️❤️❣️3點3就會不期然想食少少嘢飲杯嘢，到底係慣性？心癮？定真係生理需要？我已經分唔到啦！只係知道，食咗下午茶夜晚就食少啲，之後有時夜媽媽會餓，哈哈哈！好想去台灣好想食麻辣麵，下午茶好難打個麻辣邊爐，咁就去咗附近嘅主打台灣菜式嘅阿木睇吓有咩食。原來下午茶套餐好多選擇，包括主食、3款小食同飲品，價錢好貼地㖭！✨下午茶套餐揀咗以下幾款😋🌀麻辣乾拌麵🌀小食3款：鹽酥雞x2、炸甜不辣、滷蛋半隻🌀檸檬四季春青茶✨整體食物質素都唔錯，麻辣有麻香，唔夠辣枱面有阿木自製麻辣醬再加，麵質彈牙。3款小食質素平穩，如果熱啲仲好！四季春茶配上新鮮檸檬，下午茶以清新春茶作總結！✨醫完肚仔，阿木仲有好多台灣嘢食嘢飲賣，等你帶返屋企㗎！··餐廳：阿木台灣麵 (豉油街) (旺角)地址：旺角豉油街60-102號鴻都大廈地下3-4號舖