陳根記 (已搬遷) 新店位置

當年讀書既時候, 經常都會到陳根記, 成班同學無見一排, 都係想黎陳根記, 睇下仲有無當年既味道。可以見到門面都是食依舊，有住大排檔既風味，以前就仲有啤酒妹拎啤酒，依家就要自助出去拎啤酒飲品。麻甩雜會煲　－　在麻辣湯汁內, 有魚蛋，豆卜，豬紅，蝦，瀨尿蝦，豬腸，螺，麻而不辣，當中豆卜最為入味，一次過滿足曬，咩都有得食！送啤酒一流  開邊蝦不過不失，普普通通，反而蝦有點過火，肉質較林　芺蓉豆腐，豆腐打碎混合肉碎魚肉，再放入豆卜再炸，咬入去口感豐富。魚香茄子，茄子煮得入味，更帶有陣陣咸香味！Ｗａｓａｂｉ手撕雞，招牌菜，雞肉撕成絲，混合海＂折＂芝麻ｗａｓａｂｉ，口感細嫩，ｗａｓａｂｉ味一陣陣。蠔餅，新鮮炸好，不用加胡椒粉　魚露，都已經鮮味十足，香脆可口。腐乳炒通菜，最是普通都最考功力，此通菜不會太濕，腐乳粒都見唔到，可見炒得極通透入味！加分