麵麵 (已結業)

閒日收工想食清d，見到呢間主打魚麵既餐廳就岩晒我。自己不嬲都好鍾意食魚麵，大多數都係打邊爐或者傳統麵店先食到，呢間餐廳比人既感覺好young，感覺新鮮。一坐底店員就比左一小杯花膠魚湯比你試下，果然係夠晒足料，飲到魚味同feel到果種膠質。我地嗌左兩個套餐，首先講下呢個極上蟹匠手工伴麵，蟹籽同蟹肉份量唔會太少，食晒個麵仲有d蟹肉係底，爭d想lam埋隻碟🤪到呢個西班牙煙燻黑毛豬濃魚湯麵，黑毛豬肉汁豐富，煙燻處理令口感更加豐富。至於魚麵同平時食到既一樣煙韌有咬口，但相比之下就比較淡味，可能因為冇落味精既緣固啦！