影片
更多
2017-06-01
266 瀏覽
多年前去新加坡旅行食過當地麥片蝦之後，一直念念不忘，今次補足母親節飯決定去莆田試下！訂位時已經同staff預訂定一碟麥片蝦，咁尼到食嘅時候就唔洗等太耐！佢地仲問我會唔會想訂埋炒蟹，都係想去到睇下有咩食先決定。 去到有兩碟小食提供，$9碟，分別係紫菜花生同辣菜莆，如果唔食可以同佢地講，喺單度減番。 茶係菊花茶，唔錯！莆田有自己特製嘅辣醬，辣得尼帶酸幾特別！酥炒芋頭酥酥脆脆，食到芋頭自己嘅甜味，好特別😋黃金荷葉包個肉有少少似乾炒牛河嘅味😂 荷葉包香口鬆脆，幾得意嘅配搭大白菜燉軟豆腐真人同餐牌比好大分別下....不過個湯幾鮮甜，豆腐好食！莆田滷麵再次同餐牌比差好遠....仲話最出名...麵身糊口湯亦糊口，好少配料.....可能我唔識欣賞啦......最期待嘅麥片蝦！一上台我即刻唔理個麵，先來一匙麥片！香甜脆口又辣辣地！就係呢隻味！正！蝦幾大隻又爽口！ 我地只係叫細碟，4個人平均每人都有2隻！我地成碟清哂食哂所有麥片😂 必食推介！莆田印糕喺新加坡食過好似叫「嘟嘟糕」嘅甜品，見到呢度有類似嘅嘢就叫尼試下，結果好失望😓粉厚餡少.......唉酥炸冰心榴連如果可以大舊d就好喇😂 但佢做到皮脆，裡面榴
訂位時已經同staff預訂定一碟麥片蝦，咁尼到食嘅時候就唔洗等太耐！佢地仲問我會唔會想訂埋炒蟹，都係想去到睇下有咩食先決定。
去到有兩碟小食提供，$9碟，分別係紫菜花生同辣菜莆，如果唔食可以同佢地講，喺單度減番。 茶係菊花茶，唔錯！
莆田有自己特製嘅辣醬，辣得尼帶酸幾特別！
酥炒芋頭酥酥脆脆，食到芋頭自己嘅甜味，好特別😋
黃金荷葉包個肉有少少似乾炒牛河嘅味😂 荷葉包香口鬆脆，幾得意嘅配搭
大白菜燉軟豆腐真人同餐牌比好大分別下....不過個湯幾鮮甜，豆腐好食！
莆田滷麵
再次同餐牌比差好遠....仲話最出名...麵身糊口湯亦糊口，好少配料.....可能我唔識欣賞啦......
最期待嘅麥片蝦！一上台我即刻唔理個麵，先來一匙麥片！香甜脆口又辣辣地！就係呢隻味！正！蝦幾大隻又爽口！ 我地只係叫細碟，4個人平均每人都有2隻！我地成碟清哂食哂所有麥片😂 必食推介！
莆田印糕
喺新加坡食過好似叫「嘟嘟糕」嘅甜品，見到呢度有類似嘅嘢就叫尼試下，結果好失望😓粉厚餡少.......唉
酥炸冰心榴連
如果可以大舊d就好喇😂 但佢做到皮脆，裡面榴連餡好似雪糕咁又有一絲絲榴連，算唔錯，不過份量就.....
張貼
