莆田

營業中

休息中

從不理會是不是米猪蓮星級推介，只要Openrice有人推介，或者睇見餐牌的食物能吸引到我，便會去品嘗一下。各款菜色都特別，福建菜點會咁精緻，係星加坡特色菜至真。一開始就每人送一樽辣椒醬比你帶走，再送每人一片西柚肉，服務員再上一瓶熱菊花茶，非常細心。正式上菜，先來一碗扁肉湯，內有紫菜，清香撲鼻。大大隻冰鎮鮑魚，大大啖入口。莆田今期推介特色鰻魚菜式，當然要試下，鰻魚肥美出色。馬來風光，原來係炒碟貢菜咁解。荔枝肉有少少失色，可能係因為用咗雞肉而不是排骨。總結而言，好就要讚👍

呢一間菜館嘅菜式係比較特別，佢有好多菜式出面都冇得食㗎，我哋今晚兩個人，叫咗好出名嘅九轉小腸，係一個完全唔肥嘅豬大腸，仲要係有個座坐熱嘅 🤗 另外個藥膳竹桶蝦都幾特別㗎，呢個係湯嚟呀，一位一個竹桶，嗰2隻蝦係用新鮮蝦，食得出係游水蝦嚟呀 餐牌寫鰻魚做緊推廣，我哋就試吓，其實鰻魚同鱔真係好似囉，煲上……好惹味，呢度嘅白飯都吾錯，香軟綿最後實在係忍唔住要整返個甜品，因為呢個甜品真係枇杷膏嚟架，出面真係吾覺有得食，呢個甜品食完喉嚨好舒服㗎呢而家嘅天氣最啱食🥰🥰

這店子來過幾次，每次都是吃二人套餐，今晚選擇散點，吃一些別的菜式。精美四小拼：蝦苗拌頭水紫菜，蝦苗看上是薄片兒，蝦身透明，黏附著紫菜上，紫菜小口一嚐，有種酸酸甜甜的味道，十分開胃。滷水嫩豆腐，豆腐皮蘸滿滷水汁，內里包裹著嫩滑的豆腐，汁香豆腐滑，也是一道好吃的小吃。水晶豬蹄凍，豬蹄被透明的啫哩狀湯汁包起來，形成一顆一顆的小骰子，這個我覺得切得太小，用筷子不容易夾起來，而且因為太小放到口中很快就吃完了。味道就像吃冷凍肉一樣，比較淡。九轉小腸，看腸子真是一轉又一轉，沒數，說九轉就九轉吧，只是名堂一個，醬汁調配不錯，口感清爽不黏牙。吃過這四碟頭盤也開了胃口，之後的菜式可以吃得更滋味。點了兩款湯，一個是每次來都喝的藥膳竹筒蝦，另一個是莆田扁肉湯。藥膳竹筒蝦，喜歡有一股濃濃的藥材味，但又不是甘苦之物，有兩隻大蝦在湯內，蝦肉爽脆鮮味，配合熱騰騰的湯，就是好喝。最不喜歡不冷不熱的湯，這裡的湯是我喜歡的溫度。雖然只看到幾粒杞子沒有看到其他藥材在湯內，但撲鼻而來的藥材味又假不了。莆田扁肉湯，是福建人喜愛的湯水，湯內放了好幾個用薄皮包著的扁肉碎，就像廣東雲吞一樣，不過它比雲吞小，是迷你版，湯內有些紫菜，芫茜

3點去到好多都話賣晒，點心得番薯包同炸扁肉。包太濕肉好腥，侍應仲解釋話係好耐冇貨返，叫話揀+10嗰啲（不過個人認為好普通完全唔值，侍應仲寸寸貢話唔係10蚊都俾唔起呀？）。主菜無論係麵定飯都好齋，至於甜品就一般。総括而言，呢個價可以食得更加好，講真茶餐廳常餐仲好食。餐廳無論係食物質素定環境都比茶餐廳差，工業風設計天花管線外露，位又迫，真係唔會有下次。米芝蓮連續4年有星?論環境食物定服務性價比無一樣係

I go there quite often for dinner, 竹筒蝦is my favorite. The customer service is top notch. staff is very courteius. The manager is very attentive and she'll make sure you are happy with the meal. They also often have new/seasonal dishes on the menu. The Michelin star is well deserved! Very pleasant dining experience overall!

見到好多莆田廣告話198蚊可以任選兩道聖子，鍾意食海鮮的我點可以放過呢 今日就去左食，餐牌話可以8選2，但係落單果時個waitress就話得番2種可以揀O曬嘴⋯ 我去果時已經夜晚8:30，唔知係賣曬定點⋯所以即係變左2選2⋯得番蒜蓉蒸聖子同埋酒糟聖子。其實都好食，d聖子幾肥，份量都幾大，兩份聖子其實都夠3-4人食既，算幾抵食！酒糟聖子好重酒味第一次食呢種煮法，幾特別！總體黎講唔錯，可以再試希望下次再去有得揀其他煮法啦

一直都好想試蟶子餐，終於啱季節，兼第一次等到位！等位期間，門口有薑茶免費招待，味道淡如薑味水。成個Menu，好似係以海鮮為主，魚蟹。小菜選擇不多，飯面選擇不多。時令當做，當然係來食蟶子，$198 兩食蟶子，係抵係吸引，亦都好Juicy! 亦因此，相信太受歡迎每枱都會叫，等到食完想埋單先上蟶子。四小碟，認真唔抵食，淨係得個豬大腸稍為吸引，份量亦都好少，味道清淡一般。其中一款係紫菜碎，一款切碎左水晶肉，一款豆腐，$119！早知淨係叫一個九轉小腸，都冇咁貴。整體來說，份量少，價錢相對就會貴。三個女人，食咗六百幾蚊，如果唔係不停地灌茶，都唔會有飽嘅感覺，果然返到屋企即肚餓⋯

近日見到莆田周圍有廣告，於是就去試試食晚餐。晚餐餐牌主要係單點，首先當然要叫招牌蒜蓉蒸蟶子。莆田蟶子比正常品種細，但係蟶子太細反而冇平時嘅咬口，同埋加上鮮味都唔夠。最想食嘅蟶子令人失望，隻數多都冇用之後到另一招牌菜莆田滷麵，除左兩隻大蝦其實都係普通米線，個海鮮湯底冇咩特別最後原來係莆田荔枝肉最好食，咕嚕肉炸得夠脆肉又夠腍，甜甜嘅荔枝肉同咕嚕肉嘅酸配搭得好總括：主角食品普普通通，價錢都唔係便宜，都應該冇下次

見母親節就諗住兩家人食個飯簡左呢間聽聞係米芝連星級餐廳先簡左個六人餐再加個炸芋頭整體黎講其實好普通唔係特別好食可能係我地抱太大期望啦當中我覺得個炸芋頭係最好食然後個芋圓花生湯就得個甜字 芋圓又太淋一啲彈牙都無 而且得一兩粒芋圓 唔係我想像中咁連鮑魚都無人爭住食 男朋友甚至覺得好難食雞同魚都ok 個面太淋又太結 全台人都無咩人食可能太忙 都無咩特別既服務 好多時碗碟都係我地自己執 因為無位亦無人（可能忙人手唔夠）另外我覺得個什菜煲都ok 湯既味夠濃荔枝肉都ok 有啲似平時食嘅咕嚕肉不過全家都表示 去茶樓食可能會更好呢間試過一次就好了 唔會再試

響荃灣廣場行街，有少少肚餓都唔知去邊度食嘢好。於是揀咗呢一間解決我嘅晚餐。過往一向食開鑽石山荷里活廣場嘅莆田。一個人食嘢嘅關係，所以淨係叫咗一碗麵同埋一碟魚，過往莆田我最愛咸香煎黃花魚。呢次拎到嚟，忍唔住「嘩～煎到甩皮甩骨嘅.......」整體上質素味道都冇變，服務態度都好好。不過如果談論所有嘅手勢，都係鑽石山荷里活廣場嗰間比較好少少。而且因為疫情嘅關係，所以每個店員嘅制服上面都掛住一個名牌，以名牌上邊亦都寫清楚店員當日嘅體溫，我覺得呢一種好細心，可以比到客人一絲嘅安全感。呢方面我覺得值得一讚嘅。

今日行行下荃灣肚餓去左食下午茶～莆田一直都好想食，見到佢下午茶只係$49 有三個小食，仲配一個主食，我揀左興化炒米粉！炒米粉超好味米粉嫩滑幼細，配合埋𥮉田特色辣醬，勁好味！辣醬有啲酸辣，好好味！大家一定要去試吓個下午茶！

Weekday嚟呢間食過幾次，中午個Set真係幾好食同好抵，尤其係介推鹵麵。星期六大佬嚟接我放工，我決定嚟食晏。疫情影響下當日入席率30%左右，唔洗訂位一入去就可以安排座位。座位距離都算寬闊。餐前小食有醃製酸青木瓜-味道食落好似啲醃酸蘿蔔，不過比較硬，所以可能係咁先切成一片片，比起蘿蔔冇咁juicy。當日點咗：1. 扁肉湯-細細碗，湯清得嚟啖啖餘香，扁肉望落似雲吞仔，不過個皮都係用肉打成，唔係一般嘅雲吞皮。食落肉香滿溢，配上湯內嘅微酸紫菜，真係刺激味蕾。2. 九轉小腸-一碟份量唔多，仲會用有蠟燭喺碟底保暖。呢個食落有少少失望，鹵水味道一食落時幾香，唔太咸，咀嚼落去就有啲啲咁多，好似八角嘅苦味。口感都尚算可以，淋得嚟有咬口，不過未至於彈牙。我試一試一小啖浸住豬腸嘅鹵水汁，都係好香唔油膩同味道啱啱好，反而個鹵汁又冇苦味。3. 海蠣煎米粉-其實係蠔仔蛋煎米粉，蛋煎米粉食落香口少少焦脆，唔會太乾。蠔仔味道濃郁，細細粒口感creamy，配上佢哋嘅辣椒醬（其實食落似食泰式生蝦嘅辣醬），酸酸辣辣，加上蒜味，好開胃。4. 荔枝肉-類似咕嚕肉嘅味道，比較冇咁酸，荔枝味就唔突出，面仲有啲啲脆，即係新鮮炸好

為食妹👧🏻一直都係<莆田>粉C。知道推出咗新年套餐。當然要帶埋媽咪黎試一試啦2人套餐有6款食品+甜品。套餐份量相當大。真係年年有🐟鴻運發財魚生撈起🎉呢個撈起係新加坡傳統黎嘅。撈起撈起。撈到風山水起店員每落一款食材。都會講一句好意頭嘅說話撈到盤滿砵滿石斛番鴨燉南日鮑～大大隻鮑魚好彈牙。個湯好鮮甜滋味如果可以refill 就正正正啦🤪富貴麥片🦐～鹹鹹甜甜好開胃年年有🐟魚肉比較淋身。輕輕一夾。就夾到一大啖🐟。媽祖平安麵～D 料好多。仲有聖子Tim。個湯底好鮮。浸住嘅米粉唔會一pat pat 。桂圓蓮子銀耳羮～糖水比較杰身。對於我黎講徧甜。初一二三仲有利利是是🧧派

撈起、撈喜、撈到風生水起！祝大家越撈越旺，行運行到飛起！農曆新年梗係要食意頭菜，來自新加坡既福建菜館「莆田」，連續4年榮獲米芝蓮一星級，適逢新年更推出各種新春套餐～「新年吃莆田。財運旺整年」二人吉祥套餐 HK$628-鴻運發財魚生撈起 (煙燻三文魚)-石斛番鴨燉南日鮑-年年有魚-富貴麥片蝦-媽祖平安麵-桂圓蓮子銀耳羹*鴻運發財魚生撈起 (煙燻三文魚)由魚生片同七彩繽紛既食材組合，店員會一邊放入食材一邊講吉祥說話，之後就可以將七彩食材撈起，愈撈愈起，撈得愈高愈好兆頭！代表著「風生水起」，新一年行運行到飛起！味道酸酸甜甜，瓜絲蘿蔔絲爽脆可口，仲有香口芝麻、花生碎，酥炸紫菜同香酥薄脆，令整體味道和口感更豐富！*石斛番鴨燉南日鮑湯頭鮮甜清潤，滋陰益腎，鴨件燉湯後依然香軟嫩滑，原隻鮑魚好厚身，啖啖肉夠哂彈牙，好滿足！*年年有魚黃花魚煎至兩面金黃，外皮香脆，肉質鮮甜嫩滑！*富貴麥片蝦蝦肉扎實彈牙好大隻，搭配原味麥片、蛋黃絲拌炒，外層口感酥脆，香口惹味。*媽祖平安麵平安麵寓意添福添寿、吉祥平安！  麵條細長，煙韌軟滑，湯底帶點鹹鮮味，配料非常豐富，有脆紫菜、荷蘭豆、豬肉、香菇、蝦仁、炒蛋、花生等。*

新年過2日就到啦‼️想新一年由年頭行運到年尾就緊係要食返餐吉利既套餐先得!!!.呢個吉祥二人餐有:✅鴻運發財魚生撈起✅石斛番鴨燉南日鮑✅年年有魚✅富貴麥片蝦✅媽祖平安麵✅桂圓蓮子銀耳羹.全部菜式都非常好意頭～有得玩有得食呀!!!頭盤係撈起既煙燻三文魚沙律🥗乜都有呀 勁多料 加左脆脆好正 多重口感而且配搭好新鮮～.燉鴨湯x鮑魚係我既重點😍🤤好新鮮 鮑魚原隻啖啖肉 爽口彈牙湯好濃郁鮮味 個人勁喜歡!!!.媽祖麵線象徵長壽吉祥簡單地加了蛋 菜 豬肉等等既配料味道可口 不會太膩 很有家鄉地道麵線的感覺。.🐟黃花魚原條上 肉質嫩滑唔嚡口本身麻麻地食魚既我竟然食左好多😂個汁好正 仲原汁原味添呀～.最後當然不少得養生既糖水 - 桂圓蓮子銀耳羹❤️食完大滿足啊。