蜜庵本膳 (已結業)

非常推薦嘅一間日本餐廳，用料優質，食物質素高，特別係呢度嘅米粉製Pancake，係食過最好食嘅pancake之一！培茶蜜Soda培茶味同梳打嘅酸味融合，夾雜絲絲甜味，飲起來幾清新！香蕉甘酒呢種甘酒並唔係酒，奶味重之餘亦有點兒米香，香蕉味香濃，味道特別！唐揚雞肉Pancake本來覺得炸雞同pancake呢個配搭有D奇怪，但食起來又覺得幾有驚喜。炸雞配以他她醬，雞炸得非常好食，皮脆肉嫩。而米粉製成嘅pancake熟度剛剛好，口感鬆軟，配搭嘅醬除左加拿大有機蜂蜜之外，仲有柚子醬，酸酸甜甜，好好食！黑毛豬鞍厚切嘅黑毛豬外皮燒得香脆，肉質軟滑，沾上鹽一齊食，味道很不錯！開心果芒果Pancake超級推薦嘅一款Pancake，本來係配搭士多啤梨，但呢日店員話最近芒果收成期，所以可以轉做芒果。開心果忌廉係由係意大利西西里島嘅開心果醬製成，非常軟滑，而酸甜嘅芒果同莓乾則中和左開心果醬嘅甜，超級好食！咖啡雪糕雪糕係餐廳自己製作，咖啡味好濃郁，奶味亦很重，質感細滑，味道不太甜，好高質素！