影片
更多
2018-08-01
56 瀏覽
放假瞓到下晝，約咗閨蜜去葵涌廣場掃街兼血拼， 由於啱啱起身 ，冇胃口，食完手卷就開始行街買嘢， 一行就幾粒鐘，又餓又攰已經唔想再掃街， 於是就想搵個地方坐下。行到葵涌廣場底層， 聞到陣陣鹵水香味 ，抬頭見到呢間地道香港美食~車仔麵呢間舖頭規務好大，分幾個方位，都有成三四間， 姐姐見我哋一袋二袋， 就帶我哋去巷仔間鋪坐， 座位鬆動啲同埋清靜啲， 啱曬行完街嘅我哋。再望下啲餸有成幾十款揀，真係花多眼亂， 由於太肚餓，我哋決定豪d食多幾款餸， 因為下午茶時段只系$39三個餸， 另加一個都係8蚊。我就叫咗沙嗲汁油麵，揀左 豬大腸、雞腎、五香豬頸肉、水魷魚同埋韭菜。 先講我個沙嗲汁車仔麵， 沙嗲味香， 唔辣味道偏甜， 油面亦冇鹼水味， 再講下d餸， 鹵水五香豬頸肉同大腸，真係冇得彈，非常入味，唔會overcooked乾曾曾。而雞腎就硬左d，水鱿就唔夠味。朋友就叫秘製汁幼麵蘿蔔、花枝丸、 魚皮餃、 豬腸同韭菜。佢嘅秘制汁味道係辣辣地同咸，配幼麵都好襯。朋友又係讚豬腸入味、乾淨，另外值得推介係爽口嘅花枝丸，佢唔糸粉蕾蕾，入口似手打丸，覺得係平民價錢嘅驚喜，清甜蘿蔔可減輕食多餸嘅罪疚感。喜歡辣嘅我見到
行到葵涌廣場底層， 聞到陣陣鹵水香味 ，抬頭見到呢間地道香港美食~車仔麵
呢間舖頭規務好大，分幾個方位，都有成三四間， 姐姐見我哋一袋二袋， 就帶我哋去巷仔間鋪坐， 座位鬆動啲同埋清靜啲， 啱曬行完街嘅我哋。
再望下啲餸有成幾十款揀，真係花多眼亂， 由於太肚餓，我哋決定豪d食多幾款餸， 因為下午茶時段只系$39三個餸， 另加一個都係8蚊。
我就叫咗沙嗲汁油麵，揀左 豬大腸、雞腎、五香豬頸肉、水魷魚同埋韭菜。 先講我個沙嗲汁車仔麵， 沙嗲味香， 唔辣味道偏甜， 油面亦冇鹼水味， 再講下d餸， 鹵水五香豬頸肉同大腸，真係冇得彈，非常入味，唔會overcooked乾曾曾。而雞腎就硬左d，水鱿就唔夠味。
朋友就叫秘製汁幼麵蘿蔔、花枝丸、 魚皮餃、 豬腸同韭菜。佢嘅秘制汁味道係辣辣地同咸，配幼麵都好襯。朋友又係讚豬腸入味、乾淨，另外值得推介係爽口嘅花枝丸，佢唔糸粉蕾蕾，入口似手打丸，覺得係平民價錢嘅驚喜，清甜蘿蔔可減輕食多餸嘅罪疚感。
喜歡辣嘅我見到枱上有辣菜甫，又貪心放少少，刺激下味蕾。正所謂有辣有唔辣，任君左選擇。
撐到肚皮脤，埋單都糸$124,休息完又再係女人埋中拼過。
張貼
