Burgeroom (Fashion Walk)

營業中

休息中

星期一夜晚同朋友嚟到銅鑼灣Burgeroom食漢堡， Burgeroom除咗銅鑼灣分店，喺尖沙咀亦有分店。尖沙咀嗰間我未試過，但一嚟到銅鑼灣呢間，我就覺得個環境好好feel啦～餐廳主打漢堡，我同朋友分別叫咗菠蘿鱈魚漢堡同鵝肝牛肉漢堡，另外我哋叫咗個牛油果醬薯條，兩杯荔枝冰茶同兩杯熱榛子朱古力。荔枝冰茶，我同朋友都叫咗少甜，唔知係咪因為咁所以荔枝茶口味偏甜，建議叫原味。牛油果薯條，口感偏淋，薯條可以再炸透啲。菠蘿鱈魚漢堡，鱈魚炸得香脆，即使係配搭菠蘿，都冇比菠蘿嘅水份整到淋晒，好食！鵝肝牛漢堡，鵝肝厚切有份量，牛有少少筋，比起鱈魚漢堡就冇咁出色啦～榛子朱古力，吸取左荔枝冰茶嘅經驗，我哋都冇叫少甜，但呢杯嘢飲就真係甜過初戀啦，建議叫少甜。