鰻工房 (已結業)

行過見到新開業，主要係食日本鰻魚，又有開業優恵添，叫任何套餐即送價值$28嘅鰻魚飯團🍙，入去坐低環境舒服。三重鰻魚丼$208三重係鰻魚，穴子同生鰻魚，中間果啲就係穴子，都係鰻魚嘅一種，但無鰻魚咁油脂豐富，生鰻魚魚皮焦香酥脆。加咗30蚊變套餐有溫泉蛋，鹹菜，鰻魚干白貝湯同玄米茶。生燒鰻魚丼，生燒鰻魚除咗皮脆，啲肉都好結實同Juicy，不用沾醬汁，都夠味。另外新店開業送嘅兩個飯團，配合獨特醬汁，少少炭烤風味。