隨心 (已搬遷) 新店位置

以前屋企住響鰂魚涌，成日響海光街搵食，平日嘅太古坊好忙，但放晒工之後海光街就變得靜靜，今晚約咗朋友響鰂魚涌搵食，鰂魚涌鋪頭細細，經常都轉變，今日試咗呢間星加坡馬來西亞菜，已經開咗幾年㗎啦，今日終於有機會試一試。鋪頭門面幾大，分別有兩間舖，今日特別想食黑胡椒蝦，我同朋友share就最啱，我黑胡椒蝦係用虎蝦，好大隻，黑胡椒味調味得剛好，好香不算太辣，我自己可以辣D，朋友就話味道剛好，仲有種星加坡原味！每次食星加坡菜當然唔少得肉骨茶，叫咗個藥材肉骨茶，一上枱已經聞到藥材香味，不過飲落去唔算濃烈，好易入口，一碗湯有3支骨，排骨煲到好林，連豬骨食特別可口！在嗌多咗個小食拼盤，四色小食拼盤分辨有話梅番石榴、豆腐、雞絲、同埋蘋果菠蘿沙律，酸甜滋味！呢排嘅天氣咁悶熱，點左杯檸檬薏米水，幾開胃又去水，最啱女士，你杯檸檬薏米水都唔錯，甜味適中薏米亦都煲到好淋！隨心似乎好隨心地將星加坡馬來西亞美食大比我哋！