錦丼 (iSQUARE國際廣場) (已結業)

鮮鮮鮮丼平時行過係iSQUARE 的呢間日式魚生丼餐廳都好想試, 難得放假就同朋友黎個哈日午餐。餐廳位置好好, 夠靜, 燈光溫度適中, 而且空間很大, 唔會有壓迫感。魚生飯的種類好多, 而且各有特色同口味, 真係好難揀。每款丼都有特別的名稱, 而我個客就係高松丼, 當中刺身有油甘魚、三文魚子、海膽, 另外配一客細細的冷麵, 但冷麵實在太凍, 而且較軟身, 所以都係聚焦係丼度啦。各款刺身都算新鮮, 魚子粒粒都好飽滿, 油甘魚口感適中, 味道清一點。價錢雖然較一般市面餐廳貴, 但環境及質素也不錯。