63
39
35
港鐵尖沙咀站 H/ R 出口 繼續閱讀
所有分店 (1)
電話號碼
2628 0802
開飯介紹
餐廳為吞拿魚專門店,提供壽司和小食等日式食品,食品新鮮由築地運送到港。 繼續閱讀
營業時間
星期一至日:11:30-23:00
付款方式
Visa Master 現金
其他資料
泊車 詳細介紹
加一服務費
食評 (144)
等級3 2017-03-03
651 瀏覽
係尖沙咀黃金地段要搵一間價錢親民既日本菜真係一D都唔簡單!錦丼雖然位於國際廣場,但位置一D都唔算易搵!小妹同朋友兩人同行好隨便咁係商場行下揀左哩間餐廳!事關餐廳佈置仿如還原日本餐廳小店的模樣,招牌擺設、裝飾,都充滿日本風情!去過日本的朋友一定會喜歡!好靚!餐廳客人唔少,好多都係唔同國籍人士,但都好寧靜感覺!讓食客食得好舒服!小妹一黎就叫左壽司拼盤!質素唔錯!魚生勝在夠新鮮!小妹推介三文魚腩!界花唔但只靚,擺盤吸引油脂平均香口,唔飽肚!可以留肚一嚐其他日式美食灸燒芝士三文魚壽司壽司輕輕燒過,聞到芝士、三文魚帶出黎的香味芝士入口溶化,同三文魚融合,配上三文魚魚香,魚油濃郁,三文魚食落更滋味自家製厚燒蔥花玉子,玉子滑一滑,好似食豆腐花咁滑,蔥花好豐富!豐富到食落完全覺得玉子更加香,賣相絕唔輸蝕海鮮丼,呢個黎到一定要食!呢間餐廳小妹不得不讚魚生新鮮程度高,入口鮮甜丼飯嘅魚生完全無吝嗇過,舖得滿滿,海膽新鮮,味道香濃,食落就令我掛住日本蝦身粉嫩,色澤光鮮,甜而爽身,魚子粒粒飽滿,脆卜卜入口,點到您唔覺得滿足 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-05
1566 瀏覽
作為一個死忠的哈日族,雖然身在香港都絕對不能不吃日本菜~早前就跟男友去到位於尖沙咀ISQUARE樓上的一間別具日本風情的餐廳午膳~我們就是被餐廳內的環境佈置吸引進來的,這裡佈置得十分用心,真係好似返左日本咁!因為午膳應該比晚服膳便宜一點,於是就選擇中午前來~先看看午餐的選擇吧!午餐都是以刺身丼飯為主,也有不少的選擇,還有不同小食~當然也有比較奢侈的選擇,看著非常吸晴!午餐沒有跟配飲品的,跟餐加HK$10點了一杯巨峰梳打,巨峰提子味香濃,唔會太甜,好解渴!海鮮丼(HK$82)作為一個貪食的人,每款刺身都想試下,於是點了這個海鮮丼,上面鋪著晶瑩剔透的魚子及蟹子,份量不少呢~而下層的刺身都是切粒鋪得滿滿,分別有三文魚、吞拿魚、八爪魚、油甘魚、玉子及青瓜粒等,各款的刺身口感不一,一併放進口內十分滋味有咬口~而且刺身很新鮮,加一點壽司豉油拌著壽司飯食,十分美味!吉列鹿兒島黑豚扒(HK$42)小食點了這份吉列鹿兒島黑豚扒,價錢十分相宜就可以食到黑豚扒~是即叫即炸的,炸得十分金黃脆口!黑豚扒的肉質十分易咬,沒有太多的油脂肥膏,炸粉也不多,只是外表薄薄一層!沾上我至愛的吉列豬扒醬汁,十分惹味,如果有白飯的都應該可以再食多一碗!每款午餐丼飯都有一碗麵豉湯附送的~麵豉湯的味道清甜,唔會太咸,內有豆腐及海帶等配料,不錯! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-01-17
1341 瀏覽
好耐無食過錦丼d魚生丼飯啦,經過isquare心郁郁又走左去食😜,錦丼係isquare既最上層,為左黎食真係千辛萬苦爬(搭)好多層先到。錦丼既裝潢好似日本魚生市場入面既食館咁,好有去左日本既感覺,食落都滋味d。金箔伊勢海老丼(半價) $104今期既限定餐牌有金箔系列既海鮮丼,睇到都雙眼發光,仲要侍應講今個星期其中既海老丼有半價,嗚呀真係搞唔掂立即叫左。一上枱就見到一隻長過我手掌,超級厚肉既伊勢海老訓左係大大塊金箔床上面,金箔下面舖滿甜蝦,海膽,同三文魚子,完全見唔到飯面。三文魚子比金箔包住,好似金珠咁,咬落甘香鮮甜有淳厚感覺,唔係淨係得個鹹字。大唔代表唔甜,成隻蝦食完都飽左一半,肥美到連個蝦頭都好多肉,口感double上。海膽新鮮無腥味,金黃色好襯金箔。黑甕丼$158另一個我地叫左個包羅萬有既海鮮丼,當中我最中意當然係toro蓉啦,錦丼最出名食鮪魚,toro蓉夠滑,魚香十足,價錢又抵。 另外油甘魚都好肥美,甘香既味道係咁多種魚最厲害。所有魚生都好新鮮好厚切。茶碗蒸 加$14去度邊有得加我都會想試下個茶碗蒸,雖然係一個好簡單既前菜,但就睇到舖頭有無心機,呢度既茶碗蒸材料唔算好多,但就因為咁主角蛋更顯幼滑。錦丼卷$78叫左個招牌卷物試下,一客有6件,上面舖滿要瀉落黎既toro蓉,加上鮮甜既甜蝦,連埋三文魚子同脆脆一齊食,口感豐富。2個人都係食左400蚊,飽到差d食唔晒。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-01-14
940 瀏覽
上次去完I square入面食野,經過依間食店已經覺得門口佈置得好有日本風味。今日見得閒,所以專程過黎食lunch。入到去之後,最驚喜就係連入面既裝潢都好有日本風味,彷如自己置身於日本一樣。黎得食日本野,就緊係食魚生啦。我分別同朋友一人叫左一個魚生飯。《築地四色丼》:三文魚既紋路清晰可見,而且肉質肥美,入口即溶。甜蝦同帶子,非常爽口鮮甜。八爪魚有咬口。而個壽司飯因為溝左醋既關係,酸酸地,好開胃。一邊食刺身,一邊食壽司飯,正!《寶塚雜錦丼》:話明雜錦丼,當然係乜都有啦。除左上面講左既三文魚、八爪魚、帶子同甜蝦之外,入面仲有吞拿魚、中蝦、北寄貝等⋯食材好新鮮,而最正既就係三文魚籽同海膽,海膽一d都唔腥,仲好鮮甜添。而三文魚籽大大粒,咬既時候,爆晒入面既油出黎,好好味。《長崎辛味豚肉腸》:豚肉腸有少少辣,而且啖啖肉,好野味!《楊枝金露》:楊枝金露入面有芒果肉,飲落去一d都唔酸,仲好甜添。可以一邊飲,一邊食果肉。《巨峰梳打》:好香巨峰味,而且配埋有氣梳打,好夾。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-01-01
1035 瀏覽
​係國際廣場同朋友睇完戲之後搵啲嘢去食,嗰陣時其實好早大約五點幾,都唔知咩餐廳有開晚市,喺隔離兜下原來有一間日本野已經開咗。 寫食評嘅時候先知道咁多負評,不過自己唔親自試過點知係唔係真係好食呢?叫咗一款湯鍋之後加左幾樣小食,講下啲小食先,芝麻雞翼$18炸得好香脆,啲皮簡直係精華,啲肉質有好多油脂而且滑,表面有芝麻所以一定要食皮,如果唔食皮不如唔好叫。 市場三色丼包括三文魚,海膽,魚子$168海膽一睇就知係韓國海膽,唔係貴野啦!不過好多韓國海膽都好難食,而家又做得唔錯,攞嘅貨色都算係中上,是這餐的一大驚喜。三文魚質素普通,魚子就比想像中更加鮮味,飯之間有蛋絲,令口味更添豐富。 另外配有一款冷面,但係實在太凍,所以要等一陣先食得!味道都OK ,一般煙韌啦⋯ 日式牛肉鍋$82配飯和鹹菜價錢都算係合理,牛肉有些點老,蛋亦不夠熱力,熟不了,雖然湯底夠濃郁而且有不同的金菇,娃娃菜和粉絲,不過都救不了主角,整體一般。 八爪小丸子五粒$28好有小朋友的回憶,裏面主要是粉有一舊八爪魚。上面的木魚比較碎,醬汁尚算足夠。 香蔥玉子燒$28玉子夾起來不散但也不硬,口感不錯,而且帶起到香蔥的香味。 楊枝甘露$10巨峰梳打$10加這個價錢有得飲已經很好,而且味道也不錯,喝起來不是自製的,味道統一而且較為安全。 錦丼尖沙咀彌敦道63號iSQUARE國際廣場7樓702號舖 繼續閱讀
(以上食評乃用戶個人意見 , 並不代表OpenRice之觀點。)