Steak Bar (已結業)

今日去藝穗會睇展覽，見到對面有間新開嘅餐廳，與其落去中環同人迫，不如就呢間dinner。經餐廳介紹，要左個吉列炸牛扒$188，加$58要一杯紅酒，原來佢哋仲有分有，同冇酒精嘅紅酒可以選擇，都幾特別。牛扒佢哋會先炸到一成，配一個爐，你可以自行將佢加熱到你想要嘅程度，套餐配以沙律，豆腐，同埋味素白飯，好正，天氣開始冷，可以咁樣䁔住慢慢食牛肉，真係好爽。而且餐廳嘅位置正正對着藝穗會，景觀好靚。牛肉好嫩口，慢慢加熱至自己想要嘅程度，可以慢慢燒慢慢食，食物熱辣辣。飲咗紅酒，又有氣氛。如果唔夠火，可以叫餐廳幫你再加火繼續燒。佢哋嘅服務態度都好好同好有禮貌。燒到最後幾塊牛扒時，我仲專登一啖牛扒一啖紅酒。吃到最後，我再要左杯熱嘅薄荷茶，望住中環嘅夜景，靜靜地飲完茶消化一下，享受完一餐飯。- [ ] 獨食氣氛：不用併桌，有中環夜景- [ ] 獨食配合：有一人餐，有杯為份量wine- [ ] 獨食份量：9-10 分飽- [ ] 獨食價錢：$309（已包括加一）—————————————-身邊越來越多朋友鍾意獨食，社會亦開始出現獨食文化혼밥，有見及此，經常獨食嘅小編決定多啲寫一系列嘅《一個人食飯》，以方便經