燒蝦蝦 (金福閣） (已結業)

與其話自煮, 不如話扮煮🤣 燒烤店有好多, 但可以親手調味既就比較少見 😌 仲要呢度專做海鮮, 本身食材鮮味高質, 我地呢D唔識煮野ge人求其整兩下, 最後製成品都見得下人😂 燒蝦蝦特別在有好多唔同醬料同味粉, 自己鍾意整風味都得 ✔️ 仲有配有錫紙兜比客人自己「混醬」❤️鮮味大頭蝦❤️要決定整咩風味首先當然要了解左食材本身味道先, 所以我試左兩隻, 已經覺得超正想係咁食! D蝦膏好甜好多, 同時都好鹹香, 所以最後全部都係就咁食唔需要落調味 😋😋😋❤️蒜香花甲❤️花甲本身細細隻唔算有好突出ge味道, 所以見出面餐廳都多數用蒜蓉, 所以我都照板煮碗, 蒜汁蒸蓉煮花甲, 面頭再加辣椒同蔥, 非常惹味! 將花甲鮮味吊出來🤤❤️香蔥七味扇貝❤️酒樓食就蒜蓉粉絲扇貝, 我地整左兜蒜蓉花甲就諗住試下其他味😜 原來就咁放味粉, 辣辣地都好夠帶出鮮味! 當然因為扇貝本身靚, 燒到慢慢縮水時同時都有海鮮汁放出黎, 慢慢熔左D味粉, 未食都流晒口水, 食左更高興😁