燒蝦蝦 (金福閣)

150
3
2
所有分店 (2)
電話號碼
37020126
63186370 (WhatsApp)
付款方式
現金
其他資料
酒精飲品
加一服務費
有關餐廳
【燒烤放題】流水蝦場釣住食 兼有激多海鮮·串燒·甜品
超正海鮮食到飽!貼地價燒烤放題,唔只燒蝦蝦。無間斷輪流補給扇貝、鮑魚、蠔、貴妃蚌等;原條大眼雞,黃腳鱲、倉魚等,全部任燒!款式之多儼如海鮮檔。同場還有多款串燒,人氣雞軟骨、雞腎、雞翼、丸類等;加上五花腩、羊架、靚牛等超多款肉類,一燒逼出油花肉香。並設蔬菜、甜品、雪糕區,兼任飲汽水、花茶、啤酒、清酒,價錢划算大滿足!

餐廳告示
午市/晚市 多重優惠
2022-06-30
請於入座前出示OpenRice優惠券, 詳情/條款請看惠券! 午市優惠: 免費升級食4小時/送白鱔一串/送雪花和牛一份/每人隨機送Haagen Dazs或Dreyers一杯 (屯門店及元朗店均適用) 晚市優惠: 8折起/送白鱔一串/送雪花和牛一份/每人隨機送Haagen Dazs或Dreyers一杯(屯門店及元朗店均適用) 午市: 11:30am-15:30pm 晚市5pm開始 晚市8折只限元朗店8:30pm後入座/屯門店9:00pm後入座或88折(7:30PM前離座),加一正價收費。 詳情
食評 (160)
等級4 2022-05-07
4223 瀏覽
由早餐食到晚餐,持久戰食到飽飽大滿足,原來有兩層可以放食物燒,可以加快速度達至最佳的營運效益。雖然環境真係非常一般,唔講得上中高檔或寬敞舒適,不過食材有驚喜,大量海鮮貝類魚類合格食得過。我完全混淆釣蝦場及流水蝦場,流水蝦場無蝦釣,只有蝦樂無窮欣賞,隻隻蝦蝦都對住我笑呢。Asahi draught,細細杯任飲,最敝不夠凍,可以接受。冬蔭功,味道有趣,極似濃茄味的羅宋湯,沒有椰奶亦不太酸,難得滿意。白灼沙白,熟食檔隨時即食,幸好未過熟,還有一絲蜆的鮮甜,但肉汁已流失欠飽滿彈牙。椒鹽大頭蝦,熟食檔任食,欠缺鮮甜味似十足雪藏貨,蝦肉淡口已霉。流水蝦,從水缸夾出生猛紮紮跳,即捉即燒爽彈鮮甜爆膏,預先煮好的大頭蝦完全無得比,食到唔停口唔停手。燒活九孔鮑魚,手舞足蹈狂熱起舞!鮮彈充滿海鮮味,不用添加任何調味,我最愛飽滿甘香的內臟。燒紅腸,食不到甜只食到咸,雖然彈彈水潤。燒雞腎,懷疑外購日本貨,細細粒食到鮮甜帶爽脆。燒倉魚,耐心慢烤直至焦香微脆帶膠質,鎖住肉汁,結實啖啖肉而魚味濃,雖然雪藏貨欠缺鮮味。燒大眼雞,簡單易燒不怕燶,整塊魚皮去掉露出閃閃水潤魚肉,厚身大舊肉,實淨魚味香甜。精髓盡在魚眼,啫喱狀溜沖溜啜得高興。燒雞全翼,比多十二倍努力十二分精神炮製,皮香肉嫩滴著雞汁,輕醃回味。燒東風螺,雖然新鮮度微弱,但燒得香口熱辣辣,脆彈帶汁。燒台灣腸,味道在香腸及臘腸之間,少少煙燻的味道,食完想再食的衝動!燒魷魚,估不到係原條魷魚筒,少少滑少少彈少少汁,可以的呢。廚師腸,那裡的產地超級咸的,幾乎沒肉汁。半殼生蠔,完全入晒雪要比多十倍耐性慢燒,當雪溶掉立即淋上蒜蓉辣椒,薄衣衣細細粒,過過口癮罷了。燒冬菇,乾貨倒進蒜蓉辣椒可口到不得了!菇香辛辣帶甜。燒豬仔髀,我的最愛大大舊肉實淨豬味濃郁,烤出甜味加嚼勁,無得頂!蒜蓉辣椒燒韮菜,纖維豐豐趙到索索聲,爽甜脆嫩兼辛辣格外醒神!牛仔骨,入晒雪浪費掉,外面熟但中間仍凍凍冰冰仍血淋淋。牛柳粒,瘦肉乾乾欠甜美。花蛤皇,有驚喜的肥美彈滑爆汁,鮮甜味出眾,最緊要看準時機出貨。蒜蓉辣椒沙插,似乎豉椒汁會更合適!幸好帶子味強列,爽脆嚥韌質地,獨特的鮮味搭蒜蓉辣椒,拍手叫好。貴妃蚌,充滿泥加沙,怎可能放入嘴,全部掉棄。蒜蓉辣椒清湯浸娃娃菜,浸耐一點更入味更爽甜,勁蒜夾著辣椒惹味辛口滋味無窮!  繼續閱讀
(以上食評乃用戶個人意見 , 並不代表OpenRice之觀點。)
最近在網上看到有人介紹這間,看完覺得非常吸引,而且就在家附近,那就趕緊繼朋友一起來吃了,而且解一解我一直想吃流水蝦的心願了!海鮮鮑魚串燒任食生啤任飲(298元)每個坐位附近都有個蝦缸,內裡都會放了十幾隻大頭蝦讓你即夾即燒即吃的,吃完就可以叫店員加蝦,店只加蝦完全不會手軟的,務求令你吃得過癮!不過蝦也不是即夾即燒的,要先去拿冰加點水,先把蝦凍暈以後才可以燒,如不是就會因為太生猛的關係而彈走了,這個要注意!蝦吃起來肉質爽滑,而且部份還帶有蝦膏的,愛蝦之人肯定要多吃!而第二主角就當然是海鮮了,一共有十多款,有很多貝類和魚類,其中的回本位就少不了鮑魚,貴妃蚌,帶子,蠔,大眼雞和烏頭。全都是無限任加的,而且都非常新解,吃起來鮮甜爽滑!其中特別推薦貴妃蚌,吃起來鮮甜多汁,加上蒜蓉一起去燒,吃起來特別惹味!鮑魚全都是活鮑魚的,這個真的是好評!而其他燒烤的食材,有肉有羊架有腸類有丸類有蔬菜,選擇非常多,而且都是處理好的,直接燒就好了,其中腸類燒完特別好吃,這裡也有提供台灣腸和紅腸都挺不錯的!熟食類有炸物和冷盤,有酸辣蝦也是挺特別的,味道都不錯!甜品選擇也有十多款,包括了多款不同的雪糕,更有榴槤雪條,這真的是好評!飲品是常見的,不過也有些特別的,如椰汁,有氣檸檬茶,我都有拿到! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-20
2271 瀏覽
元朗首間2.5小時燒流水蝦放題🤩海鮮鮑魚串燒連啤酒🍻都係任飲任食😳每位都只係$268‼️✅流水蝦🦐入到去會見到每個座位旁邊都有流水蝦水缸,水質清澈,流水蝦好生猛反應好快,所以真係要眼明手快🤣每隻蝦都好厚肉又夠彈牙,蝦頭仲有好多蝦膏🤩超正🤤✅海鮮🐟海鮮種類繁多,有生蠔、扇貝、鮑魚、貴妃蚌、原條魚、貝殼類、東風螺等等,而且好新鮮仲見到識郁😳燒嘅時間一定要加醬料係面或者拎店舖提供嘅錫紙兜加醬料焗,超惹味🥰✅燒物🍢燒物更係五花八門‼️菜類、菇類、茄子🍆、翠玉瓜、五花腩、雞全翼、豬仔骨、台灣腸、雞軟骨等等…多到不能盡錄🤣即使種類多但每樣食物嘅質素都相當唔錯👍🏼用咁呢個價錢識到咁多唔同嘅嘢,抵到爆😍✅熟食、甜品蒜香炒蝦、炸蝦餅、飯、東風螺,全部都好唔錯🤤雪糕方面有雪條、雪糕等,但因為第一次食流水蝦,時間未控制得好好,好多嘢都未有機會試到🤭希望下次再嚟可以試到晒所有嘢😆✅飲品有三款生啤🍻、梅酒、清酒、啤酒、仲有好多唔同種類嘅嘢飲🧃,全部都係任飲🤩🤩🔔 2.5小時好似好長時間,但因為食物種類十分繁多,如果未能夠好好控制時間,就會試唔晒所有嘢😳同朋友嚟食一定要好好分工🤣超級建議拎錫紙兜裝起貝類再落調味,牛油要多,咁先夠惹味🤤🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-17
1817 瀏覽
網上見到元朗開左間燒蝦蝦,可以任食燒蝦🦐鮑魚、北寄貝,即刻book位同成班朋友一齊去開心一下🧡介紹下《燒蝦蝦》有咩食先~ 流水蝦❣️我都係第一次夾流水蝦,有得玩又有得食,大頭蝦最大優點係隻隻都勁多膏,啲膏又Creamy, 非常生猛,肉質鮮甜!😋~海鮮任拎鮑魚、北寄貝、生蠔、扇貝、帶子、貴妃蚌、番薯蜆、海螺🐚大蜆、青口、原條魷魚,墨魚!❣️d海鮮仲郁緊😍另外仲有成條大眼雞🐟~串燒及肉類除左海鮮,仲有肉類,蔬菜等串燒可以拎番去燒 ❣️最特別係有窩夫🧇菠蘿🍍玉子燒……我特別鍾意燒菠蘿🍍好juicy 🤤~熟食熟食有冬陰公湯,大頭蝦冬陰公炒飯⋯⋯~甜品有好多款雪糕雪條,仲有熱蕃薯🍠湯水❣️我就試左比較特別的海鹽雪糕,同係沖繩食既一樣🥺椰汁紫糯米雪條,紫糯米好煙韌。仲有薑味奶雪條,薑味同奶味都好夾😚~飲品三款生啤、仲有梅酒,清酒任飲🥳 生啤仲可以自己斟🤪* 每人有一串日式西京大白膳,超級肥美、超好食出面有得拎唔同既調味,另外仲有泰式酸辣汁用嚟點蝦🦐好鬼惹味💥$338 包兩個半鐘,可以海鮮任食、熟食任食、生啤任飲🍻真係好鬼抵😍 📢宜家六點後禁堂食,只要$268優惠價就食到,唔好錯過優惠啦❤️ 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-28
0 瀏覽
好多人慕名而來燒蝦蝦都係為左燒海鮮回本當然我都唔例外, 但好想一讚店家唔係只比汽水/啤酒呢D谷氣飲品仲有消滯花茶飲, 好細心😍仲要有成十款茶, 每款都貼晒功效, 讓食客按自己需要選擇喜歡的茶平時我喜歡養生, 都有飲開花茶🍵見有洛神花/山渣等消化茶都要嘆返一兩杯先兩款都酸味味, 我較喜歡山渣, 食左一兩輪後飲返杯山渣茶開胃又消滯因為任夾既蝦好多膏, 都真係幾重味有熱茶飲就好解膩, 食多幾十隻都唔怕😌話說夾蝦好好玩, 夾完仲有雪佢凍暈佢先拎去燒😂 繼續閱讀
(以上食評乃用戶個人意見 , 並不代表OpenRice之觀點。)