南瀛水產

好友近期光顧了一間日本菜，質素不俗，亦得知小妹喜歡飲飲食食試新菜，特意邀約共聚一起品嚐美食，暢聚一番活貝盛合@有活鮑魚、帆立貝、生蠔、蜆，熟手嘅店員會喺枱旁邊全程幫手燒，並根據唔同嘅海鮮加上清酒、海鮮豉油、鹽等不唔同嘅調味，更特出到鮮味~完全唔需要自己落手，既唔怕會燒到過熟，仲可以近距離欣賞到活貝嘅燒煮調味過程，聞到陣陣燒物嘅香氣。鮑魚上到枱仲非常生猛咁郁下郁下，口感當然彈牙味美；蜆肉飽滿鮮甜，粒粒蜆肉都脹卜卜；扇貝鮮嫩彈牙，配上好香嘅清酒味，好甜美；日本生蠔非常大隻肥美，新鮮生猛嘅海鮮燒完仍保留原汁原味南瀛卷@蟹肉反卷上鋪上滿瀉嘅拖羅蓉，下面散滿着三文魚籽，仲有份量好足嘅海膽同甜蝦，賣相非常精緻誘人，不愧係餐廳嘅招牌特色。海膽完全唔腥好鮮甜，加上滿滿肉質肥美嘅拖羅蓉同卷飯一齊食，份量咁足，鮮味非常澎湃，真係齒頰留香東瀛五點盛@有甜蝦、三文魚、吞拿魚、帶子和油甘魚。刺身厚度適，睇落都好鮮，個人最喜歡甜蝦同帶子，鮮甜黎有黏口嘅鮮活感，而魚刺身口感軟腍，帶豐富油香，甘香可口紫菜海膽天婦羅@炸得清脆嘅紫菜，包住軟綿creamy嘅海膽，豐腴嘅味道同半融化嘅質感，口感對比鮮明，超滿足！蟹味噌甲羅