影片
更多
2020-02-17
504 瀏覽
朋友介紹上環有一間高水準嘅日本菜，一於試一試！前菜方面就有青瓜粒同薑蓉，十分開胃。仲有比較粗身酸酸甜甜嘅沖繩水雲。白梅貝都係好罕見，口感比平時食嘅更加彈牙爽甜。刺身方面都有好多唔同嘅款式，剝皮魚配紫蘇葉花，原來用魚肝做汁，特別鮮味。北海道馬糞海膽味道都非常鮮甜，果然係日本直送夠新鮮。針魚外貌整到好靚，味道清淡但新鮮。鱈魚白子同平時食法唔同，用木魚水灼整至半熟，有些少甜味，可以配搭酸汁蘿白蓉。鰤魚油香十足，很有彈性；燒鰤魚就有豉油，柚子胡椒，整至半生熟。鯖魚紫蘇葉芝麻白昆布（即昆布表面，最嫩最邊位果層）鮟康魚乾用汁煮，事前浸兩日，同平時出面嗰D唔同，唔用酸汁，味道都好香！吞拿魚用咗鮫位又肥美又滑，好好食，好難得食到！柚子青檸啫喱清新，清理味蕾後又可以繼續食！廣島蠔豆乳鍋味道香甜清新，又唔會過分郁，裏面仲有唔同嘅蔬菜，感覺比較fresh！深海池魚with木魚絲、日本象拔蚌with柚子皮 、新鮮銀雪魚with柚子胡椒、三文魚籽都好有特色，佢每一款唔同嘅壽司都會配上唔同嘅配料，令到無論口感定味道都提升幾個層次。幾款都超好食，唔詳細描
前菜方面就有青瓜粒同薑蓉，十分開胃。仲有比較粗身酸酸甜甜嘅沖繩水雲。白梅貝都係好罕見，口感比平時食嘅更加彈牙爽甜。

刺身方面都有好多唔同嘅款式，
剝皮魚配紫蘇葉花，原來用魚肝做汁，特別鮮味。

北海道馬糞海膽味道都非常鮮甜，果然係日本直送夠新鮮。


針魚外貌整到好靚，味道清淡但新鮮。


鱈魚白子同平時食法唔同，
用木魚水灼整至半熟，有些少甜味，可以配搭酸汁蘿白蓉。
鰤魚油香十足，很有彈性；

燒鰤魚就有豉油，柚子胡椒，整至半生熟。
鯖魚紫蘇葉芝麻白昆布（即昆布表面，最嫩最邊位果層）

鮟康魚乾用汁煮，事前浸兩日，同平時出面嗰D唔同，


唔用酸汁，味道都好香！



吞拿魚用咗鮫位又肥美又滑，好好食，好難得食到！




柚子青檸啫喱清新，清理味蕾後又可以繼續食！







廣島蠔豆乳鍋味道香甜清新

，又唔會過分郁，裏面仲有唔同嘅蔬菜，感覺比較fresh！


深海池魚with木魚絲、日本象拔蚌with柚子皮 、新鮮銀雪魚with柚子胡椒

、三文魚籽都好有特色，佢每一款唔同嘅壽司都會配上唔同嘅配料，令到無論口感定味道都提升幾個層次。


幾款都超好食，唔詳細描述，自己親身體驗過就會知！
仲有個湯～

最後到自家製甜品係抹茶奶凍配黑豆，黑豆味道甜甜，加上個香味十足嘅抹茶奶凍，


感覺非常清新。
呢個價錢食到呢個質素，我覺得真係好抵，媲美啲米芝蓮二星三星嘅餐廳，相信呢間餐廳有一日都會攞到米芝蓮嘅殊榮



張貼
