南瀛水產

好耐未試過食濱燒水產 難得公司附近開左間仲唔九秒九去食下 😀😀南瀛水產位於金馬倫道 根本係地鐵站隔離一行上去就係 上樓舖係特別大既 環境又舒服睇下有咩食先每台都有濱燒爐 先叫左個鱈魚絲 即叫即烤 又脆又香 點埋沙津醬簡單一流😀😀日式蕃茄沙津 好新鮮又爽身 連d沙津菜都特別新鮮玉子燒 又係驚喜 d日本蛋非常嫩 又滑叫左個南瀛卷 開初唔知道係咩黎 之後發現係不同既魚生 砌山魚山🤭有三文魚子 有海膽 一啖落去 可以食哂所有味道 非常有特色之後就係濱燒水產喇😀每隻都係係缸養住 隻鮑魚仲郁緊😀😀😀當然不少得甲羅燒🤪🤪蟹膏味濃 又新鮮又香 如果多埋塊麵包或者餅乾就好濱燒海產 會加入清酒或者海鮮醬油 令海產鮮味昇華 隻生蠔真係鮮到呢 加上本身既鮮味 個種甘味係口中徘徊左好耐🤩🤩