影片
更多
2020-10-11
1834 瀏覽
早排見到呢間餐廳告急就訂枱同朋友黎食個下午茶，食物質素其實唔錯，不過中途有啲小插曲影響當日嘅用餐體驗，不過講左食物先，有興趣嘅可以睇到最後。🍽嫩滑雞胸意大利醬汁意大利飯主食可加錢轉套餐，包湯同$40嘅飲品，轉其他飲品可補差價，是日餐湯係西蘭花湯，正正常常。意大利醬汁其實係甜啲啲嘅番茄醬，夠晒多汁，飯粒無煮到risotto應有嘅硬度，食落似燴飯多啲，但味道唔錯，雞胸都做到個名所講嘅嫩滑。🍽蒜片海蜆羅勒牛油汁鮮蛋意大利麵呢款用上鮮蛋麵，似係油麵味道嘅扁幼麵，醬汁幾濃牛油味，帶少少蒜香，雖然望落似湯咁但掛到汁，一碟有五六隻蜆，有朋友話佢食個隻有啲腥，但我食左嗰兩隻又無事，兩款主菜我同三位朋友各有所好。🍽黑松露芝士薯條呢碟係店員送嘅，薯條熱辣辣炸起，呢個粗幼度咬落會食到薯蓉，面頭撒上黑松露醬同芝士碎，蛋黃醬入面都有黑松露，份量夠大又好食。🍽黑芝麻… 嘩！呢款係黑芝麻心太軟配雲尼拿雪糕，我地一心以為成個心太軟都係黑芝麻，但原來只係個餡係芝麻，外層係朱古力，睇相會知切開流心效果唔明顯，芝麻味淪為配角，要淨係挖個餡先食得出，如果當佢係普通心太軟咁食其實ok嘅，朱古力味都幾香濃，但如果係一道芝麻甜品就
35 瀏覽
0 讚好
0 留言
18 瀏覽
0 讚好
0 留言
主食可加錢轉套餐，包湯同$40嘅飲品，轉其他飲品可補差價，是日餐湯係西蘭花湯，正正常常。意大利醬汁其實係甜啲啲嘅番茄醬，夠晒多汁，飯粒無煮到risotto應有嘅硬度，食落似燴飯多啲，但味道唔錯，雞胸都做到個名所講嘅嫩滑。
嫩滑雞胸意大利醬汁意大利飯
30 瀏覽
0 讚好
0 留言
🍽蒜片海蜆羅勒牛油汁鮮蛋意大利麵
呢款用上鮮蛋麵，似係油麵味道嘅扁幼麵，醬汁幾濃牛油味，帶少少蒜香，雖然望落似湯咁但掛到汁，一碟有五六隻蜆，有朋友話佢食個隻有啲腥，但我食左嗰兩隻又無事，兩款主菜我同三位朋友各有所好。
蒜片海蜆羅勒牛油汁鮮蛋意大利麵
22 瀏覽
0 讚好
0 留言
🍽黑松露芝士薯條
呢碟係店員送嘅，薯條熱辣辣炸起，呢個粗幼度咬落會食到薯蓉，面頭撒上黑松露醬同芝士碎，蛋黃醬入面都有黑松露，份量夠大又好食。
黑松露芝士薯條
31 瀏覽
0 讚好
0 留言
🍽黑芝麻… 嘩！
呢款係黑芝麻心太軟配雲尼拿雪糕，我地一心以為成個心太軟都係黑芝麻，但原來只係個餡係芝麻，外層係朱古力，睇相會知切開流心效果唔明顯，芝麻味淪為配角，要淨係挖個餡先食得出，如果當佢係普通心太軟咁食其實ok嘅，朱古力味都幾香濃，但如果係一道芝麻甜品就唔合格。
黑芝麻… 嘩！
23 瀏覽
1 讚好
0 留言
🍽鹹濕阿伯大菠蘿
淨係睇中文名真係唔知係乜，睇埋英文先知係鹹蛋黃菠蘿蓉窩夫，呢個配搭都幾新奇有趣，又鹹又甜但又唔會互相排斥，加埋原味窩夫都唔錯。
鹹濕阿伯大菠蘿
38 瀏覽
0 讚好
0 留言
☕️凍奶蓋鮮奶焙茶/熱奶蓋鮮奶伯爵/熱奶蓋鮮奶芝麻
飲品三款都好出色，非常推薦奶蓋鮮奶焙茶，奶蓋厚身綿密，焙茶味道濃郁，攪勻後都唔會被奶蓋嘅味道蓋過，個人覺得佢奶蓋同茶嘅比例控制得幾好。而朋友對兩杯熱飲都感到滿意。
奶蓋鮮奶焙茶
17 瀏覽
0 讚好
0 留言
奶蓋鮮奶伯爵/熱奶蓋鮮奶芝麻
20 瀏覽
0 讚好
0 留言
題外話/補充資料：
我地訂左枱，朋友早左到，店員話由坐低開始計時九十分鐘，咁我地就等到夠鐘先入去，但入去企左四個字都未有枱，店員嘅回覆係因為客人唔肯走所以唔好意思再三催促人地埋單，原本留左上層畀我地，但咁啱早少少有客walk in就畀左人坐，咁訂枱同定好90分鐘用餐時間有咩意義呢?🤨擾攘近半個鐘後來店員安排返我地坐樓上，亦送左個薯條比我地。本身以為件事完啦，我地一心黎試佢地嘅招牌yogurt bowl，落單嘅時候話賣晒，唔緊要，但當我地等緊甜品(其實我地叫同主菜一齊上但店員唔記得左)時見到遲過我地入座嘅隔離枱食緊yogurt bowl，就問店員係咪有返，店員話頭先賣哂，之後補左貨，咁我地就問如果師傅未開始整可否轉款，佢嘅答案係但係而家又賣晒啦。講真你呃我已經整緊份甜品我都無咁無奈。其實佢地全程對答都係有禮貌嘅，不過成餐飯都前言不對後語咁令人唔知點回應。我地知佢哋做左好多好事，主食同飲品都值得大家一試，寫出黎係希望店家可以改善下啲細節位，吸引客人回頭幫襯。
(以上食評乃用戶個人意見 , 並不代表OpenRice之觀點。)
張貼
