La Casa Burger & Pasta (文咸東街) (已結業)

#西式eatcovery #上環eatcovery💡 鬧市中的隱藏的手工burger新年好多店鋪都放假未開，但呢間位於上環橫街小巷裏面的隱藏嘅美食，主打本地手製漢堡，口味特別外，份量仲要好足料。🍽西冷黑松露水牛芝士漢堡🐮🍔成個包都好巨大，而且好足料，一開始已經見到漢堡上有大量水牛芝士，接近滿瀉。西冷牛肉片，牛味濃郁，煎得好香，好juicy好有肉味🐮另外仲有好多生菜同蘑菇，令到漢堡口感更加豐富，非常滋味😋👍🍽炸魚泰式莎莎醬漢堡 呢個好有泰式風味，份量唔比水牛芝士漢堡少，魚柳炸到外層酥脆有魚味，配埋微辣泰式莎莎醬好開胃，而且仲有生菜同青瓜，咁就新鮮得黎唔怕dry 啦。🍽炸雞🐔套餐加$25就有，都幾抵食，炸雞係即叫即炸，非常之脆口，雞肉肥瘦適中，入面仲保持到雞肉嘅嫰滑，不過由於無醬汁，所以食到尾會覺得有少少dry。🍽 黑松露蛋黃醬薯條 薯條份量好多，薯條偏粗身，炸得好香口😋而且唔油膩！就咁食都好好食，薯條上面放上大量黑松露蛋黃醬，一齊食就更加perfect。