124
2
0
港鐵上環站 A2 出口, 步行約2分鐘 繼續閱讀
電話號碼
25050555
營業時間
今日營業
11:00 - 21:00
星期一至五
11:00 - 21:00
星期六
12:00 - 20:30
星期日
全日休息
公眾假期
全日休息
付款方式
Visa Master AlipayHK 支付寶 現金
其他資料
Wi-Fi
酒精飲品
外賣服務
加一服務費
當面支付
食評 (134)
等級4 2021-05-23
550 瀏覽
今日出左上環工作,收工之後因為太肚餓,所以就搵左一間附近既漢堡店食午餐,點知竟然有驚喜!佢既漢堡包有好多款,而且款款都好吸引,另外仲有二人、四人同埋十人餐,今次我同同事就各自叫左一個漢堡包,之後加$18加配小食及飲品。🎈經典芝士漢堡🍔/沙律(中味車打芝士)$85一打開真係嚇親🤣因為個漢堡勁大個,而且漢堡扒好厚,肉質嫩滑唔會乾,裏面仲有番茄、醃製好既洋蔥、黃瓜、芝士同生菜,一啖咬落去真係勁滿足!而且麵包軟熟,醬汁開胃,同啲材料既味道好夾,好食推薦😆👍🏻加配薯角藍芝士+可樂🥤薯角炸得酥脆,而且勁大粒,可以點茄汁或者藍芝士,我自己都係第一次試藍芝士,估唔到味道比較甜,有啲似忌廉,都幾好味。🎈薄切西冷漢堡🍔/沙律配砵酒洋蔥醬(橡木煙燻車打芝士)$105漢堡入面有好多塊薄切西冷,咬落去非常Juicy,肉汁多到滴出嚟,絕對無誇張,因為我家姐食到成手都係🤣而且牛味好濃,肉質軟熟,其他配料同頭先個漢堡一樣咁豐富,仲加多左青瓜,哩個又係好味推薦👍🏻加配四件炸雞+雀巢檸檬茶🥤炸雞亦係大大件,而且雞肉嫩滑,配有芝士沙律醬,一定要點醬食!因為芝士味勁濃,好正!整體黎講,哩到既套餐真係幾抵食,份量好多,重點係啲漢堡真係好好味😋鍾意食漢堡既都可以試下! 繼續閱讀
(以上食評乃用戶個人意見 , 並不代表OpenRice之觀點。)
前排同👩🏻去上環行街 行到攰就入左哩間主打漢堡包嘅餐廳度醫肚!餐廳名La Casa 係家嘅義大利文 裝修以木造檯凳、白色磚頭同霓虹燈為主 十分寫意~漢堡包嘅選擇都好多 有啲甚至有黑毛猪同牛排添!👍🏻唔想齋食漢堡包嘅話都可以食下佢哋嘅pasta🙌🏻·120g Classic Beef Burger (Medium Cheddar Cheese) $85漢堡即叫即做 漢堡扒肉質鮮嫩 肉味濃郁之餘仲有啲牛臊味 一啖咬落去仲勁Juice 仲有淡淡煙熏味嘅車打芝士 同埋新鮮蔬菜-生菜、番茄同青瓜 感覺清爽不油膩!值得一提嘅係麵包煙韌帶點濕潤 唔會「乾憎憎」👍🏻+$18 with frites (snacks) & ginger ale (drinks)薯條份量都話多 兩個人share都夠食!而且剛剛炸好 熱辣辣而且好香脆 推!哩個combo仲包埋一杯soft drink/coffee/tea 真係超抵🙌🏻·Duroc Pork Belly Burger with Honey & Mustard (Blue Cheese) $90肥Glor本身唔係好鍾意食豬 但係呢個黑毛豬漢堡真係好有驚喜!黑毛豬腩片份量多 攞起影嘅時候差啲多到跌左出嚟🤣石榴肉質好有彈性 肉味比普通豬肉香濃好多 油香都重好多 油脂分布平均 仔細睇仲可以見到細滑嘅肉紋!配合羅勒葉同埋藍芝士一齊食效果更佳喔❤️#𝙛𝙚𝙞𝙜𝙡𝙤𝙧_𝙚𝙖𝙩 #lacasaburgerhk📍 La Casa Burger & Pasta (上環)上環文咸東街2號地舖@lacasaburgerhk 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-06
393 瀏覽
中上環區域一直都是小店林立,特別在疫情之下,香港人習慣本地出遊,中上環人流漸旺,今天品嘗的餐廳正是其中一間受惠於本地遊風潮,嶄露頭角既小店。這間餐廳店子小小,堂食位置可能只得十數個,但出品卻絕不馬虎。 🚋餐廳位於文咸東街和皇后大道中的交匯路口,設於轉角位,但門面未算很起眼,行低調路線,但走入後見到明亮燈光,與門口的黑色門框形成對比,予人家的感覺,恰好餐廳的名字意思就是家 - 來自西班牙文。 🍝小店主打漢堡和意大利麵,另外亦有沙律和炸物供客人自由配搭。由餐牌設計和傢俬佈置可看出,方便速食和輕食的顧客。 🍔150g薄切西冷漢堡配缽酒洋蔥醬 $105 8/10難得來到上環區用餐,當然選擇一嚐餐廳的代表作薄切西冷漢堡,過往去的漢堡店大多都是把肉絞碎調味制成漢堡扒,但這間店鋪反其道而行,直接把原肉放進漢堡裏。這種自信之舉源於他們用料上乘,把美國進口原條西冷牛扒薄切放入🥓牛肉味香濃,肥瘦適中,略帶筋的肉片與新鮮蔬菜形成很好的互動。選用的橡木煙燻車打芝士鹹香味較普通車打芝士更濃,醬汁微甜清爽,令整個漢堡的口感豐盈而不重口🧀 🍟脆薯角配車打芝士醬 $35 7/10脆薯角即叫即炸,但不會太油,原薯味十足,配上車打芝士醬,味道温和易入口,一直吃也不會膩。 🍤脆炸蝦棒 $68 7.5/10蝦棒共有5件,原蝦沾上麵衣即炸,蝦的尺吋頗大,符合價錢。隨小食附上蛋黃醬,吊出蝦的鮮味,炸衣非常出面,外酥內脆,即使因為吃漢堡而放久了,仍然很脆口。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-25
512 瀏覽
優閒的星期六,選擇行到邊食到邊。喜歡食漢堡嘅我,今日去到上環文咸東街一間小店” La Casa” 食個late lunch。門外已貼滿全漢堡餐牌。店內一共有5張枱。餐牌內嘅漢堡款式有好多,仲有手工通粉可以選擇,而今次都係先試下漢堡先而lunch Special Combo 就由上午11:00至下午5:00 先有得供應。今次我被這張升級優惠吸引了,就試下西冷漢堡全家福出場1. 150g 薄切西冷漢堡 / 沙律配砵酒洋蔥醬($105) 加$18 有沙律仲可以升級至雪糕朱古力奶昔漢堡內西冷份量足,食落好似食緊西冷扒咁,牛味濃郁,肉質夠腍,好juicy ,再配上原片厚切蕃茄,食落新鮮。蕃茄芝士沙律,蔬菜夠新鮮,食完好juicy 嘅漢堡,再食沙律,令到口腔都覺得清新晒。2. 墨西哥炸魚漢堡($68),炸魚即叫即炸,外皮夠薄香脆,內裡魚肉夠熱,再配上生菜、洋蔥同蕃茄,種種材料都好新鮮,美味雪糕朱古力奶昔入口味濃,飲落好飽肚,好滿足整體而言,漢堡質素高,特別係薄切西冷漢堡,值得推薦,奶昔亦不容錯過。由於店舖屬於小店,坐位唔多,所以下次再幫襯時我都會避開繁忙時間,唔係就有排等先食到CP 質高嘅漢堡。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-13
678 瀏覽
難得有人帶我去食好西,去咗上環搵食,仲要係邪惡野!無理由唔介紹架!鍾意食漢堡既一定唔可以錯過!吳生話,呢到最正就係食Burger!我地分別叫咗「經典芝士漢堡」同埋「150g薄切西冷漢堡」!先講下「經典芝士漢堡」,個漢堡牛肉足足有成120g重量,又厚又大,個口細d都搞唔掂!肉質幼嫩又juicy,再加埋最邪惡既半溶芝士,真係超正!同埋我好鍾意佢個麵包既質地,好軟熟,完全係我鍾意既口感!而「150g薄切西冷漢堡」一樣咁正!呢個份量仲勁,拎上手真係好鬼重!薄切西冷配上砵酒汁,令到牛味更濃郁!再配埋橡木煙燻過既車打芝士,味道再提升多一級!超級正!另外仲可以加$18要埋小食同飲品!我又點會放過呀!小食最後揀咗「脆薯角」同埋「日式炸雞」!脆薯角值得一試,炸到外脆內軟,最正既係可以配車打芝士醬!芝士控不能錯過!而炸雞味道唔差既,但就較為普通!最後要介紹埋杯嘢飲,雲尼拿雪糕奶昔!雲尼拿同奶味都好香濃,質地夠滑溜,真係好似食緊杯雪糕咁!再加埋有焦糖醬,味道更加豐富!鍾意飲奶昔既朋友可以一試!真係估唔到係上環可以食到咁正嘅漢堡!呢間「La Casa」我一定會再Encore! 繼續閱讀
(以上食評乃用戶個人意見 , 並不代表OpenRice之觀點。)