火土燒肉

位於K11 Art Mall嘅火土燒肉係ATUM Group第六間以露營為主題嘅燒肉餐廳，闊落嘅餐廳環境加上精心嘅裝修設計，營造出喺鬧市中都可以露營嘅特別體驗🏕️ 🥩全牛特選拼盤 $458拼盤包括牛肋肉、牛舌、牛胸腹、牛三筋同雪花牛小排，醃製過嘅燒肉非常入味，唔點汁都無問題，不過枱面都有紅酒汁同燒肉汁比客人自行使用～ 個人最鍾意牛舌，非常爽口，牛肉整體偏瘦，食多幾件都無內疚感🤣小食我地嗌咗塩蔥牛舌包($138/4件)、醬油帆立貝($88/3件)同蒜蓉牛油本菇($38)，牛舌包姐係牛舌包住蔥段，佢比平時多咗份爽脆，幾有特色😆食燒肉配搭玉子海苔飯($28)，絕對唔會有錯！整體感覺好有feel好有儀式感嘅一餐😳