影片
更多
2023-05-15
342 瀏覽
每日經過胡忠都心諗：丫，上面間餐廰好似幾古典搵日去影相先📸 點！知！前日BOOK咗JUNON食飯，一睇地址原來就係我日日話要去嗰度 👀一入到去望到裝修已經嘩一聲，非常有味道✨ 舞台、三角琴、卡位、窗簾、水晶燈、吧枱、落地玻璃窗、鐵閘、甚至洗手間！！！每個位都係打卡位。唔係講笑，我係洗手間自拍拍到唔願走 🤣餐廳格局大氣，好啱坐一整晚摸住酒杯底談心；高樓底之餘，每張枱非常寬敞舒服；雖然晚市都坐咗十枱八枱，但大家好斯文唔嘈，音樂聲量又係啱啱好，好加分！所有店員服務細心有禮，整體感覺好好 🫶🏻食物方面全部都好味，個人覺得價錢超值。4 Course 入面最有驚喜係龍蝦湯🦞 蝦肉爽口鮮嫩，湯底鮮甜出色，係姐暫時飲過最好味嘅龍蝦湯👍🏻 Main Course 都有嗌牛油波士頓龍蝦，又係一流，去到一定要叫龍蝦呀～ 甜品亦都非常推薦，基本上真係嗌乜都好味，俾大家參考吓我食咗咩： Starter► 脆炸日本雞蛋，香脆和牛，青豆，洋蔥泡沫，意大利煙肉► 中吞拿魚腩他他、山葵芥未蛋黄醬，柑橘，香脆乾恐，蓮藕脆片 Soup ► 是日餐湯 - 椰菜花忌廉湯► 香濃龍蝦湯，龍蝦肉，羅勒 Main Course► 穀
一入到去望到裝修已經嘩一聲，非常有味道✨ 舞台、三角琴、卡位、窗簾、水晶燈、吧枱、落地玻璃窗、鐵閘、甚至洗手間！！！每個位都係打卡位。唔係講笑，我係洗手間自拍拍到唔願走 🤣
餐廳格局大氣，好啱坐一整晚摸住酒杯底談心；高樓底之餘，每張枱非常寬敞舒服；雖然晚市都坐咗十枱八枱，但大家好斯文唔嘈，音樂聲量又係啱啱好，好加分！所有店員服務細心有禮，整體感覺好好 🫶🏻
食物方面全部都好味，個人覺得價錢超值。4 Course 入面最有驚喜係龍蝦湯🦞 蝦肉爽口鮮嫩，湯底鮮甜出色，係姐暫時飲過最好味嘅龍蝦湯👍🏻 Main Course 都有嗌牛油波士頓龍蝦，又係一流，去到一定要叫龍蝦呀～ 甜品亦都非常推薦，基本上真係嗌乜都好味，俾大家參考吓我食咗咩：
Starter
► 脆炸日本雞蛋，香脆和牛，青豆，洋蔥泡沫，意大利煙肉
► 中吞拿魚腩他他、山葵芥未蛋黄醬，柑橘，香脆乾恐，蓮藕脆片
Soup
► 是日餐湯 - 椰菜花忌廉湯
► 香濃龍蝦湯，龍蝦肉，羅勒
Main Course
► 穀飼牛柳、法國青蘆筍，黄金牛油蛋黄汁，香烤榛子
► 牛油波士頓龍蝦，饟麵捲，香滑龍蝦白汁，意大利青瓜絲
Dessert
► 白桃，乳酪雪糕，法式千層酥
► 蜜蘭香芒果蔡絲，熱情果，杏仁醬
想像到如果帶媽媽/女友去仙后食飯一定會好冧💕 唔食飯去bar飲杯cocktail同樣令人陶醉，強烈推介！
張貼
