皇玥餅藝 (已搬遷) 新店位置

加連威老道周不時都會經過，竟然俾我發現新開左一間好有特色既鋪頭，有點懷舊的裝修，好奇之下就入去逛下。店員非常熱情地俾我試食，話呢啲係天然食料製造既蜂巢蛋卷，入口真係好鬆化，呢間啲蛋卷有好多特別口味，對於有選擇困難症既我都唔知買邊款，好彩店員話有什錦系列，一盒有四種口味最終決定買一盒休閒系列返屋企同家人分享。今晚即刻開嚟食，先開了包原味，真係好得，夠鬆化 有蛋香之餘牛油味又唔會過多，啱啱好，接住忍唔住繼續開埋伯爵茶味，真係有伯爵茶葉喺蛋卷裡面，仲有茶既清香，一不離二，二不離三，再開多包朱古力，口感有啲唔同硬身啲，但仍有鬆脆感覺，朱古力味中又帶點鹹味，一點都不膩，咖啡味相對比較濃味，本身鍾意飲咖啡，但有時食咖啡味的食物都有帶點奇怪既酸味或者苦澀味，但呢款蛋卷完全係好天然既咖啡味。