影片
更多
2019-08-03
118 瀏覽
推介呢間，因為以下幾大優點：1. 認真抵食每位 $198 就有七款海鮮拼盤，加八款升級火鍋配料，同埋丸類蔬菜任食。二人份量的海鮮拼盤，鮑魚、貴妃蚌等貝類的 size 都堅大隻，出得大場面架！而且全部海鮮都新鮮，冇腥冇沙冇伏如果普通火鍋店單點呢盤，估計都要二百幾三百，高回本率。2. 誠意湯底湯底有成十個選擇，當中不乏特色野例如蟲草花水鴨，亦不另收費。師傅話個湯煲左好耐，千叮萬囑我地要飲返碗先。一試，果然係正野，夠清甜、夠老火又冇味精。而且仲好足料，有成半隻鴨，再加上一大截蘿蔔，元肉、杞子同蟲草花，夠曬滋陰降火。呢個湯底真係好有誠意，估唔到任食火鍋都包埋。3. 多特式配料除左一般打邊爐食材，佢仲有好多特色野揀，尤其內臓類例如豬粉腸、黃喉、天梯、雞雜、雞肝、雞腎，甚至連豬腦同魚卜都有架。叫左豬天梯，應該係豬的上顎位置，冇乜味但食落有軟骨，幾得意的，口感唔錯。手切封門柳，好濃牛肉味，有咬口得來又唔韌，good good ! 只可惜數量太少了。仲叫左黃喉，唔似天梯咁有軟骨，不過都幾爽口的，幾特別。手打蝦丸同墨魚丸，真材實料，好鬼彈牙，有一粒仲響夾的途中彈走左，好心痛啊！一片片的係牛心頂，第一次食
1. 認真抵食
每位 $198 就有七款海鮮拼盤，加八款升級火鍋配料，同埋丸類蔬菜任食。
二人份量的海鮮拼盤，鮑魚、貴妃蚌等貝類的 size 都堅大隻，出得大場面架！
而且全部海鮮都新鮮，冇腥冇沙冇伏
如果普通火鍋店單點呢盤，估計都要二百幾三百，高回本率。
2. 誠意湯底
湯底有成十個選擇，當中不乏特色野例如蟲草花水鴨，亦不另收費。
師傅話個湯煲左好耐，千叮萬囑我地要飲返碗先。
一試，果然係正野，夠清甜、夠老火又冇味精。而且仲好足料，有成半隻鴨，再加上一大截蘿蔔，元肉、杞子同蟲草花，夠曬滋陰降火。
呢個湯底真係好有誠意，估唔到任食火鍋都包埋。
3. 多特式配料
除左一般打邊爐食材，佢仲有好多特色野揀，尤其內臓類例如豬粉腸、黃喉、天梯、雞雜、雞肝、雞腎，甚至連豬腦同魚卜都有架。
叫左豬天梯，應該係豬的上顎位置，冇乜味但食落有軟骨，幾得意的，口感唔錯。
手切封門柳，好濃牛肉味，有咬口得來又唔韌，good good ! 只可惜數量太少了。
仲叫左黃喉，唔似天梯咁有軟骨，不過都幾爽口的，幾特別。
手打蝦丸同墨魚丸，真材實料，好鬼彈牙，有一粒仲響夾的途中彈走左，好心痛啊！
一片片的係牛心頂，第一次食，爽爽地，一試無妨既。
眾所週知，一條魚只有一個卜。而成日慢半拍的我通常食蒸魚都唔會搶到......
響呢到，可以一人獨享，自私食得來仲真的好大條，幸福到呢
叫左皇帝菜，大刀闊斧切到短身，上得枱的都係鮮嫩的部分，欣賞佢
蔬菜類亦有鮮淮山同䈑荀，外面比較少有得食。
4. 酒鬼最愛
每位加 $20 可以任飲雪櫃內的飲品，啤酒汽水綠茶同韓式飮品不在話下，佢竟然仲包真露任飲，真係見到都會開心笑。
真露西柚味又真係幾 ok ，慢慢㗳吓，配吓海鮮真係堅正，轉眼已回本。
張貼
