瀛豐放題料理專門店

畀個凍海鮮拼盤吸引咗，加錢升級咗，仲要係任食，咩本都回晒😎兩個人有一大盒魚子醬，即刻覺得好抵😛平時真係冇幾可專登買魚子醬嚟食，同海膽帶子超夾，啲鮮味出晒嚟，呢個真係要大推👍🏻👍🏻👍🏻其他刺身都好味，油甘魚、希靈魚、八爪魚、赤貝全部都要encore，天婦羅熱辣辣上好掂，南瓜同番薯冇得輸😋最驚喜竟然係啲泰菜，本來唔想掗位諗住唔食菜，好彩最後有點到鹹魚炒芥蘭同飛天通菜，真係出色到飛天👼🏻下次嚟會試埋椰菜苗，燒元貝同沙爹都冇失手！其他熱食仲有一口豆腐都係我至愛，熱辣辣外脆內軟！炸芝士波波係放題必食，好明顯已經爐火純青，食完好想叫第二彎，但為咗留肚試多啲嘢，唯有下次再食，最後食埋個甜品好幸福咁捧住個肚咁走🥰