非凡小廚 (已結業)

黑金蜜糖蝦球口感外層鬆脆，再到內層軟綿，深層大蝦彈牙，三重口感。甜甜嘅蜜糖易於入口，少量嘅黑松露令蝦球甜味得以平均。最緊要係份量好足。海鮮炒飯足料大碟，炒得幾乾身，有鑊氣。其他地方通常會變成濕炒又冇鑊氣。蝦都係彈牙，而且又多，海鮮冇腥味。椒鹽豆腐外層煎得微燶鎖住內層，無煎太燶嘅苦味。內層豆腐香滑，入口即溶，而且重豆味，口感似食雪米滋。椒鹽同豆腐嘅豆味有強烈嘅對比，味道更特別。總括嚟講，呢到每樣餸都大碟足料，味道唔差，價錢合適，好高CP值。