89
1
2
電話號碼
27287320
開飯介紹
中式小菜館,供應巧手小炒、家常小菜和炒粉麵飯,款式種類多而且環境整潔,是不少街坊的飯堂。 繼續閱讀
營業時間
今日營業
07:30 - 23:00
星期一至日
07:30 - 23:00
付款方式
現金 支付寶
其他資料
當面支付
食評 (100)
新鮮美味小菜 焦點食評
等級4 2017-11-29
2711 瀏覽
今晚同幾個朋友聚會,朋友推介去土瓜灣既「非凡小廚」食晚飯。餐廳係北帝街街口,交通算係方便,我係觀塘過黎,半個鐘就到啦。 入到餐廳,侍應姐姐好快就幫我地安排座位,呢度唔似其他餐廳,D位排到密密麻麻,坐得適服。 「非凡小廚」既餐牌都係街坊小菜,我地點左幾個各自鍾意既餸,然後吹左一陣水,D餸就黎啦。 乾煸四季豆四季豆夠乾身,唔會濕立立,微微辣,濃淡適中。配搭白飯係唔錯選擇。 魚肚粟米羹足料,唔會太稀,魚肚味道唔會太腥。 雞蓉粟米羹味道唔錯,其實細粒雞肉,食落都算滑身。 西湖牛肉羹入面有少少芫茜配搭,清清地,芫茜控可以試下。 大漠風沙雞皮脆肉嫩,就咁食都已經好好味,配搭南乳醬,別有一番風味。 金蒜蒸中蝦蝦夠爽口,粉絲索哂D精華,無得輸。 酥炸大腸大腸外脆內軟,最正係用新鮮菠蘿做配搭,停唔到口。 海棠豆腐好足料,豆腐好滑溜,搭埋D配料一齊撈飯唔錯。 非同凡響炸雪糕皮夠脆,作為晚飯甜品都唔錯。 繼續閱讀
(以上食評乃用戶個人意見 , 並不代表OpenRice之觀點。)
人情非凡既小店 焦點食評
等級4 2017-11-19
1305 瀏覽
之前食過覺得這間小菜館大份兼好食,所以今次又約埋同事一齊黎食。這間小菜館簡單的裝修,擁有濃厚人情味,店員非常親切,坐下後會為我們送上熱茶及菜單。餐牌除左餐牌之外,記住睇埋牆上面既推介啊菜單上好多精選推介,看起來樣樣都好吸引,好難選擇。我們用了十多分鐘選擇了椒鹽軟殼蟹、鐵板黑椒鹽豬手、豆沙鍋餅加雪糕、二客炸雪糕、原條麻辣烤魚鍋、馬拉盞通菜最早到軟殼蟹做小食,椒鹽軟殼蟹($68),真的好抵食。即炸即食新鮮滾熱辣!鹹香的軟殼蟹,個炸粉唔會太厚份量岩岩好!軟殼蟹質感好好!鐘意食香口野的我,簡直食到唔停口。鐵板黑椒鹽豬手($110)用鐵板原隻上枱,倒入黑椒汁,即時沙沙聲和起煙仲有陣陣香味,簡直視覺嗅覺聽覺的享受。店員超級貼心的服務為我們將豬手切開,方便大家進食。豬手肉質又軟又滑又入味,超級有口感,豬手骨膠原仲好豐富,配上黑椒汁更惹味!一定要試!原條麻辣烤魚鍋($158)吸引了我們點菜,由於我們有人唔食辣,點了小辣。原條魚放上爐送到上枱火喉剛好,陣陣的麻辣味。魚的肉質嫩滑、魚骨輕易分離,麻辣味唔會蓋過魚嘅鮮味。唔食辣的人都可以食到,這種麻辣味簡直令人上癮。店員超級貼心提醒我們要忍手等多陣入味先係最好味,鍋內配菜還有豆卜、雲耳、金菇、冬菇、冬瓜等。另外,店員仲會時刻留意個爐,間唔中提醒我地調較火勢,服務認真一流。食咗咁多肉配個馬拉盞通菜($68)好爽口唔會老唔會太油膩!少少辣辣地仲好過口癮添~飯後甜品不少得豆沙鍋餅加雪糕($28)和炸雪糕($32)。不愛食豆沙鍋餅的我,竟然對它改觀。鍋餅包住豆沙煎得脆脆加球雪糕配朱古力醬,一啖豆沙鍋餅一啖雪糕變得好好味!最特別的是炸雪糕,可以配上焦糖醬或朱古力醬,賣相好似好油膩。雪糕外脆內軟,外圍包了麵糰,(味道好似日本果隻ビッグアメリカンドッグ咁)炸過後還要淋上焦糖醬,一啖熱辣辣的脆皮一啖凍冰冰的雪糕配上焦糖醬。真係好邪惡呀,又好味又抵食! 食唔停口當然叫多客炸雪糕配朱古力醬($32)!下次一定要再黎食! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-16
1344 瀏覽
香港人平時都食開廣東菜,得閒炒返幾味食下~我都好喜歡,不過有時去無冷氣的大排檔食,都會覺得很不合衛生,最近爸爸帶我們去到土瓜灣一家茶餐廳,是非一般的茶餐廳,晚市有各式小菜,款式種類多!有別於一般的大排檔,這裡有冷氣,環境潔淨,但又不失大排檔圓桌的風味~菜單明碼實價,而且十分清晰!古法咕嚕肉(HK$58)這個小菜是我每次出街食中菜都必點的,因為家中很難煮到~上面沾上滿滿的甜酸醬,上碟時已經聞到陣陣香味,咕嚕肉炸得外脆內軟,雖然淋上醬汁,但也食到脆口的口感,甜酸味道調較得適中入味,是伴白飯的最佳小菜!椒絲腐乳通菜炒牛肉(HK$78)椒絲腐乳通菜炒牛肉炒得好夠火喉,惹味香口,通菜很爽甜新鮮,而牛肉片比較淋身易咬口,不過牛味就不算太濃郁,可能被醬汁遮掩左~櫻花蝦肉碎炒飯(HK$60)這碟炒飯好大碟,飯粒炒得好乾身,粒粒分明,上面加左好惹味的櫻花蝦,少少脆身,入面還有切粒蔬菜,好有口感!秘製沙嗲雞(HK$48)這份串燒雞肉好淋身易咬開,沙嗲味濃郁,不過味道有點重有點過咸,不過整體不錯,燒得好香口! 繼續閱讀
(以上食評乃用戶個人意見 , 並不代表OpenRice之觀點。)
My families and I went to a Chinese restaurant called "Flavor"(非凡小廚 ) located in G/F, 22 Pak Tai Street, To Kwa Wan (土瓜灣北帝街22號地下)The interior of this restaurant is relatively new, neat and tidy comparing with other Chinese eateries / Cha Chaan Teng.Prawns Scrambled egg with Hotbed chives 韮黃滑蛋蝦仁HKD$88Big size prawns are springy and bouncy....The egg is just cooked by Chinese stir fried method. Very creamy and smooth....Im quite pleased by this dish.Wasabi bite size beef cube芥末一口牛HKD$88..The beef is tender....This dish is definitely suitable for spicy addicts as the Wasabi gives you a strong kick.Stir fried beef flat rice noodles乾炒牛河HKD$58 ..Big portion. ...Generous amount of beef. ...Definitely can be shared by two ppls.Ice cream & Red bean pancake豆沙鍋餅加雪糕HKD$28..The pancake is springy, gluey....Texture is very similar to the mochi with a bit of bites.The waitress and the restaurant owner are quite friendly and helpful. 繼續閱讀
(以上食評乃用戶個人意見 , 並不代表OpenRice之觀點。)
等老公開飯 焦點食評
等級4 2017-08-30
1643 瀏覽
話說揾食真係幾艱難,老公遲收工似乎係極度例牌的事,成日等佢食飯都等到九、十點,食得消夜.... 今日叫做比較幸運,可以八點幾同佢喺土瓜灣會合,本來我哋係諗住食呢頭附近嗰間韓國嘢(之前黎過覺得幾好) ,可惜見到太多人,太肚餓唔想等位,在附近行,路過呢一間餐廳有位,就入去試吓。芥末一口牛我選咗兩道菜,老公就想食芥末一口牛,本身都唔為意,一食落口,芥末果種刺激感簡直衝上雲霄啊!我實在太低估呢個芥末了!一口牛切得幾厚身,牛味幾香,外面香煎過,中間保持彈牙,幾好𡁻, 呢道菜嘅辣度雖然遠超我想像,但係對於喜歡食芥末嘅老公十分之喜愛。 店員都幾好招呼,不時為我地添茶,而且見我食芥末一口牛時想整走啲Wasabi醬,就問我係咪唔食得太辣,於是比碗水我洗走啲醬!干煸粉絲蝦碌煲真係煮得幾乾身幾香嘅,粉絲好入味,煮得軟硬適中,口感幾好。發現呢個粉絲煲都真係好多蝦,夾起啲粉絲見到下邊仲有兩隻蝦。欖菜蜜糖骨幾新鮮的菜式,排骨外面炒到少少脆,不錯,蜜糖落得幾重手,比我想像中甜,整舊肉都索到甜味,至於欖菜,可能份量比較少,未食到佢發揮出來的味道。 繼續閱讀
(以上食評乃用戶個人意見 , 並不代表OpenRice之觀點。)