更多
2022-10-01
4111 瀏覽
為咗同一個好鍾意日本嘅朋友慶祝佢生日，今年佢去唔到日本慶祝生日，所以就特登book咗鮨一既omakase你同佢慶祝😎😎😎✨靜岡縣蕃茄鰹魚沙律首先嚟個沙律先，沙律菜好新鮮，堅魚刺身到滑新鮮，亦都唔係薄切😝中間個蕃茄好Juicy，好開胃👍🏻👍🏻👍🏻✨甲羅燒呢款菜式非常之適合一邊飲啤酒一邊食用，甲羅燒非常香蟹膏味，搽上去好鬆脆嘅麵包上邊再放入口，層次一流🤤🤤✨燒鵝肝 😍😍😍🤩呢款燒鵝肝真係一定要稱讚，平時我印象中嘅鵝肝入口係乾爭爭，亦都有啲我唔鍾意食嘅味道，但係我講唔出係咩味，總之就比較難入口嘅，所以令到我唔鍾意食鵝肝，一見到餐廳放低碟鵝肝之後心諗死啦😪但係佢哋嘅呢款鵝肝真係不得之了，非常多汁，入口熱辣辣之餘仲好香鵝肝味，每一啖都多汁，鵝肝好軟滑，再搭埋脆脆麵包一齊入口真係冇得頂✨白子刺身相信好多人都未食過白子刺身，其實佢係一種鱈魚魚類嘅精子黎既，雖然係會令人有啲尷尬，但係口感確實超級奶油，細滑豐富，亦都充滿好高嘅蛋白質但係又係低脂肪，對身體好好，食咗會靚之餘仲要唔會肥，未食過嘅不妨可以試吓，味道同口感都唔差嘅😊✨鮟鱇魚肝安康魚缸係屬於日本比較高級嘅食材，如果搭配清酒簡直一流，靚嘅鮟鱇魚肝入
為咗同一個好鍾意日本嘅朋友慶祝佢生日，今年佢去唔到日本慶祝生日，所以就特登book咗鮨一既omakase你同佢慶祝😎😎😎
✨靜岡縣蕃茄鰹魚沙律
首先嚟個沙律先，沙律菜好新鮮，堅魚刺身到滑新鮮，亦都唔係薄切😝中間個蕃茄好Juicy，好開胃👍🏻👍🏻👍🏻
✨甲羅燒
呢款菜式非常之適合一邊飲啤酒一邊食用，甲羅燒非常香蟹膏味，搽上去好鬆脆嘅麵包上邊再放入口，層次一流🤤🤤
✨燒鵝肝
😍😍😍🤩呢款燒鵝肝真係一定要稱讚，平時我印象中嘅鵝肝入口係乾爭爭，亦都有啲我唔鍾意食嘅味道，但係我講唔出係咩味，總之就比較難入口嘅，所以令到我唔鍾意食鵝肝，一見到餐廳放低碟鵝肝之後心諗死啦😪但係佢哋嘅呢款鵝肝真係不得之了，非常多汁，入口熱辣辣之餘仲好香鵝肝味，每一啖都多汁，鵝肝好軟滑，再搭埋脆脆麵包一齊入口真係冇得頂
✨白子刺身
相信好多人都未食過白子刺身，其實佢係一種鱈魚魚類嘅精子黎既，雖然係會令人有啲尷尬，但係口感確實超級奶油，細滑豐富，亦都充滿好高嘅蛋白質但係又係低脂肪，對身體好好，食咗會靚之餘仲要唔會肥，未食過嘅不妨可以試吓，味道同口感都唔差嘅😊
✨鮟鱇魚肝
安康魚缸係屬於日本比較高級嘅食材，如果搭配清酒簡直一流，靚嘅鮟鱇魚肝入口即溶，鮨一佢哋都做到好高質，因為呢塊魚肝真係入口即溶，不過有啲太重魚味，所以我自己只能夠一塊起兩塊止🤣🤣🤣
✨鮫鰈魚刺身
相信亦都好少人知道係咩魚，其實佢係生長喺深海嘅右口魚，比起左口魚肉質豐富嫩滑，師傅將佢切到好薄身，非常爽脆彈牙，不過就唔太重味，係比較偏淡味嘅刺身，所以另外都會提供酸酸地嘅汁去配搭去食，令到口感層次更加豐富。
張貼
