蟹慶 (已結業)

一直都有聽聞呢一間主打日式蟹料理，就嚟到結婚周年，所以提早預約咗一餐，作為慶祝！⭐️松葉蟹肉三文魚籽沙律⭐️蟹肉鍋巴配紅酒鵝肝⭐️時令刺身4點⭐️黑魚籽海膽蟹肉蒸蛋⭐️日本時令活蟹⭐️鹿兒島A5和牛⭐️浜燒鱈場蟹腳配和風辣汁⭐️松葉蟹釜飯⭐️汁物⭐️甜品食完呢一餐飯絕對係近日最滿意，大部份嘅菜式都包左蟹肉係當中。最令我印象深刻嘅日本時令活蟹真係超級鮮甜，無添加任何嘅調味之下品嚐原汁原味，而且成個擺盤還原咗蟹嘅原形，食一啖蟹肉掂一啖蟹膏真係超級正，最重要嘅係餐廳已經幫我哋拆好殼，食落好方便。蒸蛋雖然係一個好簡單嘅菜式，但係餐廳做得非常出色，蒸蛋有如豆腐咁滑，海鮮嘅鹹香味都滲入內，真係非常滋味。而浜燒鱈場蟹腳更加係啖啖蟹肉，肉質實淨得來帶甜。講到今晚最特別嘅菜式，莫過於蟹肉鍋巴，鍋巴做得香脆而不油膩，上面嘅配料口感豐富，特別係加入左酸酸甜甜嘅啫喱，食落更加清新！除咗蟹之外，當日嘅刺身都好肥美，特別係拖羅食落好柔軟，而且仲用着冰底坐鎮住，確保新鮮。而鹿兒島牛扒生熟拿捏得好好，咬落都幾有肉汁，油脂幾重身 雖然每一道都係細細份，但係能夠品嚐到最高質嘅食材，真係夫復何求！而且最後仲有一個釜飯，絕對係滿足而歸，食到捧住