胡爐 (已結業)

呢幾日天氣特別凍，所以又約埋朋友一齊去打邊爐。今次係去銅鑼灣間散嗌嘅台式火鍋舖頭，食高級嘢。因為唔係任食邊爐，所以可以慢慢坐低傾偈，一路食，講吓八卦。湯底叫左個濃湯花膠雞，湯底好濃郁，配料好充足，入面有大大嚿嘅花膠，就咁食個湯底都飽。湯底咁正，食之前一定要飲返幾碗。胡爐牛拼盤咩嘢都想試試一餐嘅我唔使有困難選症啦今次終於！拼盤有齊極上手切肥牛、牛舌心、牛胸爽、牛頸脊。一個拼盤就可以試齊不同部位😆蔬菜拼盤蔬菜拼盤有菜心、生菜同娃娃菜。我打邊爐最鍾意食娃娃菜丸拼盤丸拼盤共有4款丸，每款各2粒。分別係黑松露墨魚丸、梅菜豬肉丸、香茜榨菜牛丸同手打墨魚滑。呢4款丸我最鍾意黑松露墨魚丸，黑松露好出眾！手工餃子拼盤餃子好新鮮，似係新鮮包起。一個拼盤有齊4種餃子，我地叫左魚皮餃、韭菜餃、手工雲吞同黑松露蟹肉餃。款款都皮薄餡靚，入面大大舊肉，超好食。黃金炸魚皮魚皮炸得好爽脆，外層嘅鹹蛋黃味都超級好食，值得一試。呢間打邊爐真係超水準發揮，又唔算貴。又坐得舒服，如果有少少預算，不妨到銅鑼灣嘅時候，試一試佢！