影片
更多
2022-01-03
53 瀏覽
東大街一向多食店，去搵食既時候見到呢間新開餐廳，記得上手係日本餐廳。員工服務態度好好，下面幾款餸菜都係佢地推薦既有三燒腩叉！叉燒半肥瘦，肥部分唔油膩，係比較爽口既感覺，瘦肉軟淋有肉味，表面醬汁亦好惹味😋超滑既順德煎龍躉魚扒！魚肉煎得好香有魚味，入面保持到嫩滑，三色椒爽甜入口外香脆內滑既自製海菜豆腐真心好有驚喜既餸，表面炸得乾身脆口，內裏超嫩滑，豆腐比較似玉子豆腐，好鐘意表面既木魚花，配埋豆腐食好夾☺️幾樣小菜我最鐘意係菠蘿脆皮咕嚕肉，上台時好熱，炸粉薄，外脆內嫩，用既肉應該係梅頭，肉味幾濃，蔬菜爽甜，汁既甜酸味同濃度啱啱好，唔會有多餘既汁係碟上面，我食左好多件仍然唔覺得膩😝我見除左小菜仲有點心可以食，就諗著試一樣點心，店員話灌湯餃好食。我地就叫左個生拆蟹肉灌湯餃！餃好大隻，餡料既蟹肉份量都好多同埋幾鮮甜，不過我覺得湯係最正，比蟹肉更鮮甜好多粵式餐廳都好食，但都好多味精，而呢餐我食完係完全唔會覺得口渴，仲要樣樣小菜都好夠鑊氣，所以下次黎會試多啲點心，睇下係咪同小菜一樣咁有水準
有三燒腩叉！叉燒半肥瘦，肥部分唔油膩，係比較爽口既感覺，瘦肉軟淋有肉味，表面醬汁亦好惹味😋
超滑既順德煎龍躉魚扒！魚肉煎得好香有魚味，入面保持到嫩滑，三色椒爽甜
入口外香脆內滑既自製海菜豆腐真心好有驚喜既餸，表面炸得乾身脆口，內裏超嫩滑，豆腐比較似玉子豆腐，好鐘意表面既木魚花，配埋豆腐食好夾☺️
幾樣小菜我最鐘意係菠蘿脆皮咕嚕肉，上台時好熱，炸粉薄，外脆內嫩，用既肉應該係梅頭，肉味幾濃，蔬菜爽甜，汁既甜酸味同濃度啱啱好，唔會有多餘既汁係碟上面，我食左好多件仍然唔覺得膩😝
我見除左小菜仲有點心可以食，就諗著試一樣點心，店員話灌湯餃好食。我地就叫左個生拆蟹肉灌湯餃！餃好大隻，餡料既蟹肉份量都好多同埋幾鮮甜，不過我覺得湯係最正，比蟹肉更鮮甜
好多粵式餐廳都好食，但都好多味精，而呢餐我食完係完全唔會覺得口渴，仲要樣樣小菜都好夠鑊氣，所以下次黎會試多啲點心，睇下係咪同小菜一樣咁有水準
張貼
