港滋味 (已結業)

筲箕灣東大街港滋味原來係食星馬小菜為主打，肉骨茶，喇沙等等應有盡有。奶油麥片蝦，賣相幾正宗！滿佈金黃脆絲的大蝦，拉出幼細的蛋絲。因為難做，所以不常吃到！充滿著牛油香氣，蝦肉夠鮮味，充份地入味！炒得幾有鑊氣，肉質又夠彈牙！再叫了碗油飯，香到不得了！陣陣黃薑香茅味滲出。好高質！吉隆坡黑叉燒，7分肥3分瘦，這個非常好既比例！肥而不膩，入口鬆化啖啖肉，再配上特製醬汁，更加吸引。旁邊既菠蘿都好香，酸甜感重夠開胃。雜錦喇沙，喇沙湯香而不辣！麵底似為瀨粉，爽彈有質感，豆卜非常吸味，另有蝦，豬肚，豬潤，豬腩邊！比較多豬雜，出面少地方食到！整體又香又惹味，份量仲幾大碗，抵食！

抵食港式x星馬菜😋因為朋友喺筲箕灣住食過讚不絕口，於是就過去試下。我地先叫左個櫻花蝦叉燒炒飯，炒飯上面鋪咗勁多櫻花蝦😍 炒飯粒粒分明味道香口，大大碟都只係$58 真係性價比極高。極力推介👍🏻重有巴東牛肉，牛肉炆得好淋又夠哂入味，配炒飯一流😋 另外我地重叫左個豆酥黃花魚，少少辣但勝在夠鮮味，魚肉好鮮甜！蒜蓉炒生菜夠哂鑊氣，爽口清甜，送飯一流！重有自家制嘅話梅吉仔水，解渴生津止渴，超滿足一餐😋😋

東大街食店林立，真的是選擇困難。經過港滋味看過餐牌，發覺既有肉骨茶喇沙，又有中式小炒，是很有趣的配搭，無況一試。話梅桔仔水處暑過後，天氣依然炎熱，自製話梅桔仔水微酸微甜又帶點鹹味，帶有桔仔果香味道，清新開胃。自家製海菜豆腐自家製海菜豆腐是將海藻黏在豆腐上，豆腐清香滑溜，海藻帶有海水的味道，味道鮮美。豆酥一夜黃花魚 最初接觸一夜干是日本的花魚，魚肉紮實，鹹香鮮味，後來才知原來馬友黃花魚都可以製作一夜干。豆酥是黃豆製作豆漿過後，將剩餘的豆渣加油及調味料炒香入味，炸出帶酥脆口感的豆酥。酥脆微辣豆酥，配上嫩滑鮮甜的黃花魚，是今晚最喜愛及最滿意的菜式。櫻花蝦雙味芥蘭 真的意想不到芥蘭都可以製成像川椒雞的炸珍珠葉，雙味芥蘭配上櫻花蝦，口感豐富特別，極具創意。巴東牛肉 印尼國菜巴東牛肉以多種香料醃製而成，色澤紅潤腍滑，入口香辣滋味，味道濃郁。

筲箕灣東大街嘅港滋味，係一間主打港式菜同埋東南亞菜嘅小餐館！豆酥一夜鮮黃花魚 $98原條蒸黃花魚，開邊容易食！上面鋪滿豆酥同埋炸蒜茸，加埋秘製辣油，口感及味道同樣豐富！菠蘿咕嚕肉 $88菠蘿食落超Fresh同埋Juicy！咕嚕肉嘅醬汁調得出色，酸酸甜甜嘅感覺啱啱好！鹹蛋肉碎茄子扇 $88茄子用特別嘅方法切開，形狀好似一梳蕉咁，上面鋪滿肉碎同埋鹹蛋黃！茄子軟綿入味，唔錯！吉隆坡黑叉燒 $168有別於廣東燒味，吉隆坡黑叉燒嘅醬汁係咖啡色！叉燒用了上等靚肉，入口極為軟腍！罐裝汽水 $12/罐冰凍可樂，消暑一流！冰底加$3！ 油飯 $15/碗加入香料同埋黃薑粉煮出嚟嘅油飯，格外香口！

筲箕灣東大街「美食街」美食琳瑯滿目；推介大家首選中式歺館#港滋味#以港式融會新加坡款式，創出另一番風味！夠清新；首選招牌菜三燒腩叉、用新鮮豬肉烹調，話明招牌菜，特別搶手、下午六點已經售罄⋯⋯😂新加坡式海南雞、選用新鮮雞隻、雞肉與雞皮中間含有一層薄薄透明啫喱、加上油飯、天生一對、絕配！😄黃花魚⋯加上滿滿台式豆酥清蒸，第一次品嘗，口感豐富、巧巧特色！👍🏻海菜豆腐、自家製、質感類似玉子豆腐、豆腐面釀了一層海菜、完全冇腥味，配搭非常夾、豆腐軟滑再加配搭菇菌、健康又美味蒜蓉開邊蒸龍蝦、採用本地龍蝦、啖啖肉結實爽甜好新鮮、蒜蓉好惹味！有驚喜櫻花蝦雙味芥蘭、芥蘭上鋪滿粉紅色嘅櫻花蝦、店主提議、食之前先兜一兜、每顆菜沾上櫻花蝦、味道一流！有須要可電話預訂位和菜式⋯充滿人情味、夠熱情、港人特色！😊😊

放假過嚟朋友屋企煲劇，然後佢帶我落去佢樓下常來的街坊餐廳食飯，餐廳有兩層，除卡位外及仲有不少大枱，適合家庭聚餐。我一坐低，她就建議點呢個龍蝦餐，睇落已經覺得好正。🦞蒜蓉開邊蒸龍蝦龍蝦大大隻又多肉，肉質彈牙鮮甜，加埋蒜頭清蒸，特別香口，感覺好滿足。🐥新加坡式海南雞呢碟海南雞雞肉好滑，仲好有雞味，配以新加坡辣椒醬及黑醬油。🐟台式豆酥蒸黃花魚蒜蓉拍上麵粉，再炸得金黃香口，帶點質感，加埋蔥花，鋪滿喺黃花魚上，賣相好靚，黃花魚肉好嫩滑，食到我哋舔舔脷。🌱海菜豆腐自家製嘅海菜豆腐，店員話係用海帶打碎做嘅雙色豆腐，再以雜菌一齊炆煮，非常特別，幾好味。🥣 爵士湯$40呢個係套餐以外我哋自己加嘅，因為見到有爵士湯好想飲，材料有哈密瓜、沙參、玉竹、鮑魚、雪耳等，好滋潤。🥬蒜蓉炒時蔬$78我哋再加多個炒菜，健康啲嘛，炒得十分清爽。

筲箕灣東大街不嬲都多食肆，係呢區出名嘅食街。咁岩朋友係附近放工就過嚟覓食，最後揀咗呢間試一試，貪佢門面光猛，睇到d位好闊落，坐得舒適唔駛逼埋一舊。我哋叫咗個二人餐(因為抵食D)再加個佢哋嘅“招牌”三燒腩叉(真係“招牌”，因為招牌上面大大隻字印住，冇伏😂)1.海菜豆腐個豆腐同上面塊海苔嘅味好夾，個碟底有塊薄薄嘅蛋皮，可以捲起個底再包住d雜菌嚟食～2.三燒腩叉有少少偏硬，但肉味濃郁，配返個靚仔(白飯)食岩岩好。伴碟嘅菠蘿正好俾我食完濃味嘅食物中和返味蕾食其他菜式。3. 新加坡式海南雞雞肉頗滑，但如果係去骨嘅更加好(岩晒我呢d唔鍾意lur骨嘅懶人🤣)。4. 豆酥黃花魚呢個我覺得最有驚喜最好食! 豆酥口感有d似比較冧嘅炸蒜，味道香中帶辣，黃花魚肉滑少細骨有魚油又唔會蒸過龍鞋颯颯，配埋d豆酥一啖食落去味道好配合，大推👍👍👍5. 蒜蓉蒸龍蝦呢個價錢有呢個Size我覺得幾抵食😊蒜蓉份量頗多，食完龍蝦再撈埋d蒜蓉送飯一流～食食吓飯有個小插曲，個侍應留意到另一枱客揀開碟餸D材料嚟食，就主動問嗰枱客碟餸有d咩唔岩食，原來其中一個怕辣，於是侍應就叫廚房將未出菜嘅餸走辣，呢個我覺得間嘢都幾貼心。總括而言我

東大街較尾尾有間生面口既餐廳，位置比較隱世，但味道就驚為天人。坐低d 位都好寬敞。點佐個2人餐B，每人加多個湯。1）新加坡式海南雞 🐔 新鮮雞做海南雞真係第一次食，食落雞肉有彈性，有雞味，暖暖地。 個辣醬更加食到停唔到口👍🏻2）蒜蓉開邊蒸龍蝦 🦞$388呢個價錢既2人餐，有龍蝦食，仲可以有咩要求。d 肉彈牙有鮮味，一食就知係新鮮。3）台式豆酥蒸黃花魚 🐟 豆酥微辣又惹味，黃花魚既肉可以做到一舊舊咁夾出黎，啖啖肉😋4）海菜豆腐 🍽豆腐煮到好滑，而且有好多菇，好好餸飯。- 黑蒜烏雞湯 同 爵士湯 都好足料👍🏻爵士湯係用中湯黎😮（第一次飲）有蜜瓜、沙參、玉竹同其他配料，清甜好味。Overall 黎講，呢餐真係好滿意，我會再去食。

抵食豐富二人餐 $388我地睇見樣樣都想食，望一望蒜蓉龍蝦好正甘，我地即刻簡左呢個二人餐B，有魚有雞有龍蝦同菜，超豐富-蒜蓉開邊蒸龍蝦蒜蓉開邊，一上枱都聞到香，岩岩蒸起，個碟仲好熱手，食落夠哂鮮甜，肉質結實彈牙，龍蝦啖啖肉大大舊，個頭仲有膏-新加坡式海南雞份量幾多，肉質新鮮， 黑豉油同辣椒汁都唔錯-台式豆酥蒸黄花魚黄花魚開邊蒸，好多肉又嫩滑，鋪起面豆酥先係重點，好有特食，一啖豆酥一啖魚配埋一齊食好食-海菜豆腐豆腐面用左海菜鋪係面先再蒸，真係心機之作，睇得出呢間餐廳真係有落作心思，豆腐好香好嫩滑-黑蒜烏雞湯 $60/碗飲得出無味精，夠味，不過個人鐘意黑蒜味再濃D*免收加一*食完見到有自家制涼茶，下次都想試試，環境乾淨企理，去廁所嗰陣先發現原來仲有樓上一層，樓上可以包房，下次一大班人食小菜可以考慮呢度港滋味筲箕灣筲箕灣東大街37號地下

有啲事要喺筲箕灣處理，好少嚟呢區，所以事先特登約住喺筲箕灣嘅朋友，等我處理完事情之後，叫佢帶我去開飯，結果佢就帶咗我嚟呢間小店開餐😆呢度有 $388 嘅「特價二人餐👫」，我哋揀咗「二人👫餐B」，包括以下食物😆：-「新加坡🇸🇬式海南雞🐓」：海南雞🐓雞肉幾滑，仲有新加坡🇸🇬式 黑豉油 同 辣椒汁，要來沾雞肉，特別美味😋-「蒜蓉🧄開邊蒸龍蝦🦞」：龍蝦🦞大大隻，肉質結實，感覺新鮮，仲加咗好多蒜蓉🧄，特別香口😋-「台式豆酥蒸黃花魚🐠」：呢個落咗勁多蒜蓉，非常惹味😋；黃花魚🐠本身肉質亦都幾鮮甜😋-「海菜🥬豆腐」：似乎係廚師👨‍🍳自家創作🤔，海菜🥬豆腐 有兩層，黑色嘅一層似乎係加咗海苔🤔，整體幾好味又幾滑😆，仲加咗一啲菇菌一齊煮😋另外再加一個 $78嘅「蒜蓉🧄炒雜菜🥬🥦🌶🍀」，簡單、新鮮、幾好食😋感謝筲箕灣嘅朋友帶我嚟食咗實實在在嘅一餐😋😆

東大街呢間🤩特色小館主打各款🤤港式滋味菜式，💰價錢大眾化而且菜式幾創新🎊。入面有大枱有卡位👍，地方幾濶落☺️，係中式飯館🥢嘅裝修感覺。呢度有兩款💰特價二人餐，兩款都係$388，我哋揀咗二人餐A，有：冰鎮🧊凍鮑魚、首創三🔥燒腩叉🐖、蒜蓉🧄黄花魚🐟同埋鹹蛋🥚肉碎🍆茄子扇，十分之🤤豐富！冰鎮🧊凍鮑魚口感幾爽😆，味道偏清淡。佢哋🎊首創嘅三🔥燒腩叉🐖肥瘦適中入口鬆軟而且🔥火喉十足，仲有少少🤏菠蘿🍍味好開胃！蒜蓉🧄黄花魚🐟蒸得啱啱好👍，上面仲有唔少蒜蓉🧄，一上枱就十分之香🤤。肉質肥美🥰十分之鮮甜，餸白飯🍚一流！鹹蛋🥚肉碎🍆茄子扇賣相幾有霸氣😎。🍆茄子好腍滑，上面配咗鹹蛋🥚黃同埋肉碎🐖咸香美味😋，又係另一個白飯🍚小偷！咸檸🍋陳皮🍊啫白鱔$128，呢個組合我係出面之前冇見過😮，感覺幾特別，所以叫咗來試吓🤤。白鱔肉質肥美彈牙🦷，入口有咸檸🍋同埋陳皮🍊嘅酸甜味😋唔會腥，味道都幾夾🥰。

近排行過東大街呢條美食街有一間食中菜既幾吸引眼球，又見幾多人食，於是一家人就去試下。 2人餐$388，有魚、海鮮、雞又有菜，都真係幾抵食。蒜蓉開邊蒸龍蝦，蒜蓉超香，啖啖肉真係好正，肉質結實彈牙 ，帶點鮮甜，個餐最期待呢樣，高質。台式豆酥蒸黃花魚，超滑! 魚肉真係好嫩滑又好有魚味，骨亦唔算好多，面頭舖滿豆酥同薑蔥炸蒜，香脆既炸蒜配住軟滑既魚食，不同口感，層次豐富!海菜·豆腐，皮薄滑嫩，外皮有微微脆感，D海菜釀左係上面，夾起唔會散但又入口即化。另外仲有不同菇類配搭，好有驚喜。新加玻式海南雞雖然有骨，但肉質都係嫩滑，仲有幾片雞腎，配有不同醬汁，可以加配白飯或油飯。大澳蝦醬骨 ，非常酥脆唔會太油膩，蝦醬味濃郁好入味，仲啖啖肉!成個餐都太好送飯，真係連D汁都撈埋，仲唔需要加一服務費，係東大街黎講真係好抵食。好多街坊都係食套餐! 所以下次經過記住要留意下呢間好野!

東大街出名多好嘢食，住東區嘅我，週末約埋妹妹呢來食港滋味😍💕餐廳環境不錯，我們獲安排坐在卡位。特價二人餐有兩款，好抵食，$388已經食到海南雞，蒜蓉開邊蒸龍蝦，豆酥黃花魚，海菜豆腐。🐔海南雞嫩滑，味道正宗。🦞龍蝦大隻又新鮮。🐟黃花魚好香，肉質嫩滑。呢度全日冇加一，又唔收茶芥，係食小菜好選擇，超抵食💯另外再叫酸菜龍躉斑片$128 ， 平時食酸菜好少用上龍躉，今次食到矜貴嘅龍躉，啖啖新鮮魚肉，十分滿足。

東大街一向都是東區街坊的食街，各式各樣的餐廳都能夠搵到，今天就給我發現一間實惠又勁好吃的餐廳———港滋味。餐廳推出兩款特價二人餐，四個餸，有龍蝦、黃花魚、鮮雞做的海南雞和第一次吃到的海菜豆腐，四個餸都勁好味，這餐廳肯定會回頭。特價二人餐B $388《海南雞+油飯》油飯飯粒分明不油膩，且香氣十足，海南雞雞肉嫩滑雞皮爽，海南雞上桌時連雞雜一起，所以必定是鮮雞，冰鮮雞又點會有雞雜呢！《蒜蓉開邊蒸龍蝦》龍蝦雖然不是很大隻，但鮮味十足，而且蒜蓉惹味，撈飯最啱。《海菜豆腐》一塊塊豆腐上面釀著海菜，雖然不知道海菜是什麼，但入口很鮮，很特別，有驚喜。《豆酥黃花魚》因為是二人套餐，黃花魚有啲细，但味道還是很鮮甜，最精彩應該是豆酥，這東西真的很香口，送酒一絕。

好耐冇食地道中式小炒，今日就去咗呢間喺筲箕灣東大街嘅港式餐廳食返幾味撚手小菜。叫咗個特價二人餐A ($388)，貪佢有魚有肉又有菜，好似都幾豐富。冰鎮凍鮑魚先上嘅係冷盤小食嘅冰鎮鮑魚，鮑魚清洗得夠乾淨，口感爽脆彈牙，食落仲有少少酒香。首創三燒腩叉肉類方面有腩肉叉燒，叉燒燒得好香，半肥瘦，肉質腍嫩，蜜味香濃。蒜蓉蒸黃花魚除咗肉，套餐亦有黃花魚，豉汁蒜蓉蒸夠晒入味，蒸魚火候控制得岩岩好，魚肉鮮甜嫩滑。鹹蛋肉碎茄子扇套餐仲有呢味茄子，茄子切成扇形非常有心思，面頭鋪滿咗鹹香嘅鹹蛋肉碎。茄子先炸後蒸嘅做法令佢唔會腍哂，keep到爽嫩嘅口感，入口juicy。大澳蝦醬骨 $88我哋另外仲加咗碟蝦醬骨，排骨炸到酥香脆身，蝦醬夠哂惹味得黎份量岩岩好，唔會太鹹。。。港滋味 (筲箕灣)筲箕灣筲箕灣東大街37號地下。。