嵐山日本料理

營業中

休息中

尖沙咀一向都係食日本菜嘅天堂，今次介紹《嵐山》日本餐廳就位於尖沙咀棉登徑，即刻去一試究竟。鯛魚薄切沙律 $108第一次試生魚片嘅沙律，鯛魚用左薄切嘅形式，食落爽口又帶微甜，好適合同沙律菜一齊食，又唔會搶左相互嘅味道。半條石垣鯛 $208石垣鯛產量都唔會好多，係香港都只有高級日式餐廳先食到。食落肉質比較細膩，油脂好豐富，又有天然嘅魚脂甘甜味。壽司盛十二點 $438包括有中拖羅、赤身、油甘魚、深海池魚帆立貝、火炙平目魚邊、日本牡丹蝦、赤貝三文魚籽、日本海膽同埋兩件白身魚。中拖羅就一向係我最愛，入口即溶又有豐富魚脂味。貝類帆立貝赤貝就好新鮮爽口鮮甜。海膽就一啖食落非常濃郁甘甜。每一款都好新鮮。三文魚松葉蟹肉卷 $118松葉蟹肉卷上面放左三文魚粒同埋三文魚籽，壽司飯亦都預先用醬汁煮過，食落蟹肉好鮮甜，三文魚又厚實爽口，三文魚籽又有豐富海水味，味道好有層次。