影片
更多
2020-05-29
1694 瀏覽
一鍋堂咁出名，我估都唔使點介紹，哈哈，平價優質火鍋放題，講真，二百幾蚊個人就可以任飲任食，其實真係好抵，唔怪得長時間book唔唔到位，walkin又等好耐。是日就黎打個邊爐，揀左B餐＄218一位，再加左＄50去轉鴛鴦鍋。Book左枱，埋去同收銀店員講返就得，執埋枱好快就有得入座了。宜加用QR Code落單，我覺得方便左又慳左紙，仲無暢易漏單添，幾好呀。鴛鴦鍋揀左麻辣同葯膳，麻辣湯底係麻多過辣，對我呢啲食辣初哥黎講就啱啱好，而葯膳湯又真係好香葯材味，兩款湯底都無越打越鹹，正。B餐嘅牛肉有好幾款，預先放定名牌唔怕上錯肉啦，哈哈。牛小排我覺得佢幾滑，好食吖。封門柳感覺牛味重啲，又係好好味。牛舌略硬，可能係放湯太耐影響左。羊肉片正，好有羊味，哈哈。各式蔬菜～有紫淮山幾特別，但食落同白色淮山差不多，仲有竹笙都任食，爽口，吸飽湯好正。鱔片同鴨血無腥味，encore～蝦鮮甜爽口，又係encore之選。飲品除左罐裝同紙包，而加多左冷泡茶，有四款口味，個人至愛薄荷烏龍茶，佢無糖同茶味濃，好好飲呀！雪糕機就無驚喜啦，原味乳酪同芒果雪糕，不過打完邊爐點都要食杯雪糕先完美嘅。埋單，店員特別講明鴛鴦鍋要加錢，哈
是日就黎打個邊爐，揀左B餐＄218一位，再加左＄50去轉鴛鴦鍋。
Book左枱，埋去同收銀店員講返就得，執埋枱好快就有得入座了。宜加用QR Code落單，我覺得方便左又慳左紙，仲無暢易漏單添，幾好呀。
鴛鴦鍋揀左麻辣同葯膳，麻辣湯底係麻多過辣，對我呢啲食辣初哥黎講就啱啱好，而葯膳湯又真係好香葯材味，兩款湯底都無越打越鹹，正。
B餐嘅牛肉有好幾款，預先放定名牌唔怕上錯肉啦，哈哈。牛小排我覺得佢幾滑，好食吖。
封門柳感覺牛味重啲，又係好好味。
牛舌略硬，可能係放湯太耐影響左。
羊肉片正，好有羊味，哈哈。
各式蔬菜～有紫淮山幾特別，但食落同白色淮山差不多，仲有竹笙都任食，爽口，吸飽湯好正。
鱔片同鴨血無腥味，encore～
蝦鮮甜爽口，又係encore之選。
飲品除左罐裝同紙包，而加多左冷泡茶，有四款口味，個人至愛薄荷烏龍茶，佢無糖同茶味濃，好好飲呀！
雪糕機就無驚喜啦，原味乳酪同芒果雪糕，不過打完邊爐點都要食杯雪糕先完美嘅。
埋單，店員特別講明鴛鴦鍋要加錢，哈哈，莫非好多人唔知成日問點解唔係入座價？放題火鍋啲肉越黎越高質，食物款式又多，真係好過自己搞，呵呵。
張貼
