影片
更多
2023-08-29
137 瀏覽
好耐無入過大埔喇😏受大埔之友邀請入去食飯，本來上次約左幾個朋友去荃灣食「大滾友」，點知又有人臨時唔得🥲今次大埔友約食飯就直接去「大滾友」做大滾友啦～～「大滾友」行中華宮廷風，一入門口已經有張龍椅比大家體驗一下，打返張卡🤣又有聖旨，鍋具又有龍頭，絕對有置身宮廷既感覺！玲瓏浮凸花膠雞湯鍋$298花膠雞-聽到都覺得滋補養生🤣湯底係金黃色，花膠滾左一陣已經夠淋，建議立即飲返碗湯先再打邊爐呀！雞件斬得夠大件，唔會淥完無野食，另一大讚位係加湯都係加返花膠雞湯架～絕對唔會令個湯底淡味左！牛肉拼盤（細）其實份量都唔細😂拼盤包括左：頂級安格斯牛小排、本地手切牛頸脊、美國頂級雪花肥牛、牛展、牛黃喉、牛肉粒同牛舌，每款各有特色，牛小排同牛頸脊肉味同脂肪味比較平均，牛展同牛黃喉比較爽口！伊比利亞橡果豬送本身我唔太喜歡食豬肉，但橡果豬真係唔同講法，輕輕淥一淥肉質爽嫩，脂肪比例少少高但淥後口感變成爽脆，成片入口有嫩滑加脆爽口感，不用沾任何醬料已經非常好食，絕對係食材料原味！蟹黃餃比較特色！帶點橙橙黃黃～饀料豐厚每人二隻都覺得有點飽肚！手打蝦籽蝦丸高分之作！蝦丸好彈牙又滿有蝦味，早知應該點個大份量既😏雜菜拼盤雜菜拼
「大滾友」行中華宮廷風，一入門口已經有張龍椅比大家體驗一下，打返張卡🤣又有聖旨，鍋具又有龍頭，絕對有置身宮廷既感覺！
玲瓏浮凸花膠雞湯鍋$298
花膠雞-聽到都覺得滋補養生🤣湯底係金黃色，花膠滾左一陣已經夠淋，建議立即飲返碗湯先再打邊爐呀！雞件斬得夠大件，唔會淥完無野食，另一大讚位係加湯都係加返花膠雞湯架～絕對唔會令個湯底淡味左！
牛肉拼盤（細）其實份量都唔細😂拼盤包括左：頂級安格斯牛小排、本地手切牛頸脊、美國頂級雪花肥牛、牛展、牛黃喉、牛肉粒同牛舌，每款各有特色，牛小排同牛頸脊肉味同脂肪味比較平均，牛展同牛黃喉比較爽口！
伊比利亞橡果豬送本身我唔太喜歡食豬肉，但橡果豬真係唔同講法，輕輕淥一淥肉質爽嫩，脂肪比例少少高但淥後口感變成爽脆，成片入口有嫩滑加脆爽口感，不用沾任何醬料已經非常好食，絕對係食材料原味！
蟹黃餃
比較特色！帶點橙橙黃黃～饀料豐厚每人二隻都覺得有點飽肚！
手打蝦籽蝦丸
高分之作！蝦丸好彈牙又滿有蝦味，早知應該點個大份量既😏
雜菜拼盤
雜菜拼盤勁似一個花盤🤣令我諗起送花要送雜菜花🥦😂花盤雜菜款式超級多，有油麥菜、娃娃菜、番茄、窩荀、粟米、金菇、木耳、蓮藕、紫淮山，真係估唔到連紫淮山都有，我第一次見咁豐富既雜菜盤，仲要樣樣都好夠新鮮！
火焰焦糖豆腐花
我第一次自己食一桶豆腐花😂店員會先加黃糖同糖水，再用火槍燃點，令糖層有脆脆感，再比一大碗黃糖自己加添💕豆花好夠滑，雖然真係食到勁飽，但都停唔到口！
依到仲有三款生啤提供，有藍妹、Hoeggarden 同Stella ，我地都叫左杯Stella 飲下！
*設有加一服務費
*建議訂位
張貼
