274
3
0
| 餐廳: | 大滾友火鍋 (美新大廈) |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
電話號碼
37058134
開飯介紹
裝修風格古色古香的火鍋店，香濃雞湯底選用三黃雞並加入花膠熬製。款款湯底都份量十足，並有多款海鮮、手打丸等配料提供。
繼續閱讀
營業時間
今日營業
15:00 - 01:00
星期一至日
15:00 - 01:00
以上資料只供參考, 請與餐廳確認詳情
有關獎賞計劃
優惠
| 餐廳: | 大滾友火鍋 (美新大廈) |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
今次同朋友去咗大埔「大滾友」打邊爐，，環境闊落仲有好多包廂，最特別係有個兒童影院播緊卡通片，啱晒一家大細嚟聚餐！我哋四個人叫咗個超豐富嘅火鍋餐，人均$363（連加一），食到捧住個肚走～ 🍲 湯底：卜卜蜆（$288）一上枱就聞到超香蒜蓉味，啲蜆大隻到似乒乓波咁，而且完全冇沙！滾熟之後個湯鮮甜到不得了，最重要係喺開始之前職員會幫你加湯，因為底下擺咗乾冰，所以仙氣滿滿，啱晒鍾意打卡嘅我。🥩 牛肉拼盤（$428）｜牛魔王必試！個拼盤真係超級豐富，有齊7個部位，每款都各有特色： - 牛展：全場最正！切到厚薄適中，腍得嚟帶少少爽口，牛味濃到不得了，淥8秒就食得 - 牛胸爽：白色一片片，咬落滿滿嘅牛油香- 骰仔牛柳粒：方粒形狀，煮耐啲都唔會老，肉汁鎖得好實 - 黃喉：其實係牛嘅血管部位，口感爽脆，好似食緊脆骨 - 牛舌：薄切滾10秒就捲起，嫩滑冇渣 - 牛小排：油脂花紋好靚，入口即溶 - 牛肋肉：肉味最濃厚，適合鍾意原始牛味嘅人 🌶️ 香辣牛肉餃（$78）｜辣到噴火！一咬開個餃，辣汁即刻湧出嚟，辣度夠晒刺激！入面嘅牛肉餡好紮實，仲食到粒粒辣椒籽，鍾意食辣嘅朋友一定愛上～ 🦑 手打鵝肝墨魚丸（$72）雖然鵝肝粒比較細，但個墨魚丸彈牙到可以打乒乓球！仲食到粒粒墨魚肉，鮮味十足～ 🐚 貴妃蚌（$158）蚌肉肥美鮮甜，淥10秒就食得，配卜卜蜆湯底簡直鮮上加鮮！ 🥬 蔬菜類｜新鮮到不得了- 水蓮：超長一條條，爽脆清新，淥5秒就夠，索晒湯汁好正 - 萵筍：切成一條條手指咁粗，煮耐少少都仲保持到爽脆，清甜冇渣 - 山水滑豆腐：豆香濃郁，用筷子一夾就散，入口即化 🍹 飲品：竹蔗茅根（$78）清甜解渴，打邊爐飲最啱！ 🍮 甜品：火焰豆腐花侍應會即場淋酒點火，燒過嘅黃糖變成焦糖，配凍豆腐花冰火交融！視覺效果滿分之餘，味道仲好正～ 💡 小總結▪️ 環境：座位闊落，有包廂同兒童影院 ▪️ 服務：侍應會主動加湯換碟 ▪️ 食物：材料新鮮，特別推薦牛肉拼盤同卜卜蜆湯底 ▪️ 價錢：人均$363食到咁多好嘢，合理 如果想同朋友或者一家人打邊爐，「大滾友」絕對係唔錯選擇！我哋已經約定下次再嚟encore～
繼續閱讀
今日男朋友嚟大埔搵我 即興想打邊爐揀咗呢間未食過嘅試吓 比佢裝修震驚裝修感覺好似古代皇帝出巡去嘅高級客棧係以金同紅色為主 紅色燈籠好喜慶感連打邊爐個爐都係龍紋金鍋 係幾有氣派嘅門口個張龍椅+聖旨好啱比小朋友打卡XD呢度仲有比小朋友睇嘅影院同夾公仔機- - - - - - - - - - - - - - - - - - - - - - - - 1. 醬介一坐低後 店員就將九格醬料拎到面前 九格醬料包括醋、芝麻、香油、辣椒、醬油、炸蒜、蒜蓉、芫茜、香蔥好係好在可以坐住咁任調醬料嘅份量2. 涼拌拼盤(秘製涼拌爽口魚皮/香辣無骨鳳爪)每次去餐廳叫涼拌魚皮都係一種賭注因為有啲未必真係爽口 好在佢冇令我失望魚皮爽滑彈牙 浸晒秘製麻辣醬汁係好香口無骨鳳爪都好夠香辣味 食完兩樣覺得開胃3. 櫻唇半開 · 特色卜卜蜆鍋上鍋個陣見到底下用咗好多芽菜舖墊面頭就有好多食極都仲有嘅大沙白蜆跟住會係我哋面前加湯 等到滾起食得想講蜆嘅份量真係好多 食完都有半飽同埋都好欣賞食晒全部都冇食到有沙湯底滾到最後 愈嚟愈有海鮮鮮味4. 大滾友牛肉拼盤(細)唔知係咪因為食咗好多蜆已半飽XD雖然話係細份 但我都係覺得大份有成7款牛嘅唔同部位 每款4-6件拼盤包括牛胸尖、澳洲和牛金錢展本地手切牛頸脊、牛舌花、牛黃喉牛肉粒同埋美國頂級雪花肥牛最鍾意係牛頸脊同金錢展 好有牛味5. 手打蟹子鮮蝦丸(四粒)/芝士獅子狗/大滾友響鈴拼盤 · 各三件手打丸真係唔同啲 比較有鮮味同彈牙加咗蟹子 會食到卜卜脆嘅感覺好得意本人超鍾意食芝士獅子狗 每次火鍋必食濃郁芝士喺脆皮度湧出嚟嘅口感好正響鈴拼盤包括原味同鹹蛋黃味各三件即炸夠正 鹹蛋黃味雖邪惡但超級好食6. 大滾友雜菜拼盤/竹笙拼盤包括油麥菜、生菜、娃娃菜、金菇蕃茄、蓮藕、萵筍、黑木耳同粟米年紀大咗 打邊爐必須叫少少蔬菜XD樣樣都食少少 覺得可以吸收唔同營養同埋鍾意蔬菜經過海鮮湯底烚完收汁好正不過呢盤蔬菜份量真係好多 有剩少少另外叫咗本人鍾意食嘅竹笙 正常發揮7. 自家製足料竹蔗茅根估唔到係用咗古代陶土茶壺裝住大約倒到三杯左右 都幾清甜打邊爐飲呢個係好滋潤 舒緩熱氣
繼續閱讀
之前同屋企人慶祝生日黎食過一直心心念念佢地個花膠雞湯鍋今晚同朋友突然間想打個邊爐就黎到舊墟呢邊搵食喇一坐底先有杯Welcome drink-百香果梳打酸酸甜甜相當開胃調味料都好精緻必須要叫的花膠雞湯鍋今次叫左半隻份量咁就可以留肚食多啲野喇店員會先加花膠後再落湯滾起後就可以品嘗啖靚湯喇湯底一如既往既濃！每啖都係骨膠原花膠每塊都好厚實滑嫩雞用上三黃雞,肥瘦適中大滾友牛肉拼盤 叫左個細既,有7款唔同既部位包括吊龍,牛頸脊,澳洲和牛金錢展 雪花肥牛 ,牛黃喉,牛肉粒 同牛舌花 最鍾意係食牛黃喉,唔係度度都有烚完好爽脆！珊瑚、桂花蚌雙拼平時成日糾結叫邊隻打邊爐好彩呢度有得叫雙拼兩款都鮮甜爽脆, 淥熟後好彈牙沙白蜆粒粒都好大隻飽滿就算滾耐左都冇縮水手打鵝肝墨汁墨魚丸手打丸好足料,成粒好爽彈入面好多墨魚粒,中間包住粒鵝肝咬落去好香菜苗帶子餃開頭以為係豬肉加帶子但食落原來係類似墨魚滑中間包住粒帶子食落帶有濃濃菜苗味之後就再叫左炸支竹同金菇菜索哂呢個花膠湯底既精華唔使點豉油已經好好食自家製足料竹蔗茅根打邊爐唔小得既竹蔗茅根,飲落清甜解渴!連個壺都好打卡最後埋單$1483, 超級滿足的一天
繼續閱讀
已經又食多次呢間咁有特色既邊爐，夠曬方便又多食物選擇😎（10分為滿分：🌕）味道：🌕🌕🌕🌕🌕🌕🌕🌖🌑🌑龍躉片木瓜魚湯鍋🐋($308)一上枱就見到好澎湃，原個木瓜中間有少少乾冰出煙🌫️，然後睇住侍應姐姐倒D湯落去，慢慢出煙成個仙景咁。湯底本身有好多龍躉片，兩個人都起碼食左8-9塊，同埋D魚片好滑同唔算好腥，夾埋D魚湯食真係一流。煮到中段Ｄ木瓜都融入埋湯底，夠曬清甜😋大滾友牛肉拼盤🐂($428)打邊爐又點少得叫牛肉，見款款牛肉都好吸引但又選擇困難症唔知揀邊款好，所以就叫個牛肉拼盤就實無死。基本上都齊曬款，牛小排，牛舌，金錢展應有盡有，牛肉肥瘦分明，岩曬牛魔王啊🐃伊比利亞橡果豬🐷($228)見呢個豬肉個名幾過癮就叫黎試下，聽店員介紹係D豬仔食橡果長大既。食落我地當然唔覺得有橡果味喇，因為我地都無食過橡果😂但係個豬肉食落無雪味同無肉既騷味，可以一戰！🧐大滾友雜菜拼盤🥬🍅🌽($118)食左咁多肉當然要叫番D菜balance下喇，主要有油麥菜，萵苣，淮山，雲耳，蕃茄，蓮藕同粟米，呢個拼盤既份量其實夠３個人食都仲得🤫澳洲帶子片🌊($98)手打鵝肝墨汁墨魚丸($72)另外仲叫左呢兩個海鮮同手打丸，帶子新鮮厚肉，淥一淥就食得同夠曬鮮甜。手打墨丸就食到有墨魚粒係入面，夠曬咬口，同埋入邊有個鵝肝粒，夠曬特別自家製竹蔗茅根🥃($78)打邊爐咁熱氣就叫番枝竹蔗茅根下下火，飲落唔甜同夠曬清涼，喉嚨舒服又解渴！🤤火焰焦糖豆腐花食到最後叫埋個甜品豆腐花喇，店員本身會係豆腐花面倒D酒再加焦糖用火槍燒，但係我地最近唔飲得酒🥲所以就咁食左原汁原味既豆腐花，夠滑同有豆味，無令人失望既價錢：🌕🌕🌕🌕🌕🌕🌕🌗🌑🌑打邊爐人均消費大約600蚊左右，其實都算ok，因為我地叫左好多野食，同埋最後都差Ｄ食唔曬🤣🤣交通：🌕🌕🌕🌕🌕🌕🌗🌑🌑🌑店鋪位置同太和火車站大概5-10分鐘路程，附近有屋苑停車場(平日HKD18/hr)🅿️，交通都算ok環境：🌕🌕🌕🌕🌕🌕🌕🌕🌕🌑店舖鋪面算大，位置間夠曬闊落，同埋見到有Ｄ卡位有埋電視，如果咁岩撞正有波睇就更有氣氛喇⚽🏈性價比：🌕🌕🌕🌕🌕🌕🌕🌗🌑🌑而家出去打邊爐好少食放題任食個D，反而去多左散叫既鋪頭，始終食物質素都會係好D，如果大家經過大埔呢頭又想打邊爐，呢間邊爐絕對值得一試喇😜
繼續閱讀
想試吓做皇帝嘅感覺就要去呢間餐廳試試啦，一入門口就會見到龍座，非常華麗，宮廷風格局非常適合打卡。🌸雪白誘人～龍躉片木瓜魚湯🌟🌟🌟🌟🌟實材實料，材料滿滿，這湯底濃郁鮮甜，木瓜鮮甜、龍躉片肉質結實，還有超滑豆腐、爽口金菇及新鮮芽菜。🌸牛肉拼盤(細)🌟🌟🌟🌟🌟頂級安格斯牛小排、本地手切牛頸脊、牛𦟌、美國頂級雪花肥牛、爽脆牛黃喉、牛肉粒、牛舌花，每一款都嫩滑及新鮮，牛味濃郁。🌸手打鵝肝墨汁墨魚丸🌟🌟🌟🌟被譽為黑珍珠，濃郁墨魚汁，墨魚丸內放了鵝肝，帶點回甘又有濃郁墨魚汁嘅口感，墨魚丸非常彈牙。🌸伊比利亞橡果豬🌟🌟🌟🌟🌟滿滿一盤，橡果豬片口感嫩滑，豬味濃郁🌸大滾友雜菜拼盤🌟🌟🌟🌟🌟滿滿一大盤，拼盤有蕃茄、金菇、娃娃菜、生菜、油麥菜、粟米、紫淮山、蓮藕等等。每一款都非常新鮮，配搭木瓜魚湯也好好味。🌸極品棉花魚肚🌟🌟🌟🌟🌟滿滿骨膠原，極品棉花魚肚索晒木瓜魚湯嘅精華，相當入味而且魚肚就像棉花一樣軟綿綿。🌸竹蔗茅根一渣🌟🌟🌟🌟🌟真材實料，味道非常濃郁，好適合打邊爐時飲用，解解熱氣。🌸火焰焦糖豆腐花🌟🌟🌟🌟🌟火焰非常漂亮，焦糖脆卜卜，豆腐花非常嫩滑，而且豆味香，作為餐後甜品，非常適合。
繼續閱讀