GREEN

今次同朋友去Hotel Icon 食個靚靚下午茶。先講個環境，好闊落！樓底好高！感覺好放鬆🥰🥰 之前去過一啲好逼既，隔離枱講咩都聽到曬，好嘈，傾計都唔方便。🍫GODIVA Christmas afternoon tea🎄🧁 ($724/2人，連加1）由於臨近聖誕，所以成set下午茶架都好有聖誕feel！🎅🏻😍😍😍🎄啲野食無論咸點定甜點都好好食！Scones好香😍入面好軟熟😋😋！啲食物擺位都好有心思👍🏻👍🏻由下而上咁食，食到咸點尾係一杯煎蝦沙律🥗，可以清一清口腔再食甜品。🧁🍰🍫甜品唔會過甜，平時麻麻地食馬卡龍因為好甜，呢個就一啲都唔會😋😋馬卡龍配raspberries 甜酸岩岩好❤️❤️黑森林亦好出色，車厘子🍒好濃酒味，好好食！最尾個熊熊🐻可以選擇直接食，或者叫服務生俾杯熱鮮奶整熱朱古力奶飲😋😋我地就揀左熱鮮奶🍫🥛冬天飲一流呀！☕️❤️食完成個下午茶架其實已經好夠。但佢做緊GODIVA 主題，可以任食GOVIDA軟雪糕，點都要食返杯既😜但真係建議放最後食，如果唔係好易食唔落個下午茶架喇😝😝總括黎講，無論食物、服務定環境都好滿意👍🏻👍🏻如果遲啲有埋聖誕佈置就仲正！🤩🤩